Konektiviteti rajonal nuk mund të zëvendësojë anëtarësimin në BE për vendet e Ballkanit Perëndimor, tha për BNR Illhan Kyçyk, eurodeputet dhe raportues i përhershëm në Parlamentin Evropian për Maqedoninë e Veriut. Takimi i udhëheqësve evropianë me burrat shtetërorë nga Ballkani Perëndimor në Slloveni duhet të konfirmojë rrugën e pashmangshme të këtyre vendeve drejt BE-së, tha Kyçyk.
Marrëdhëniet Sofje - Shkup janë në pikën e tyre më të ulët, gjë e cila është “e papranueshme për fqinjë të tillë të ngushtë që kanë pasur një të kaluar historike dhe duan të kenë një të ardhme historike”. Bisedimet midis dy vendeve kalojnë përmes rivendosjes së besimit dhe konfirmimit të Marrëveshjes së Fqinjësisë së Mirë dhe Miqësisë nga viti 2017, shtoi eurodeputeti.
