Ministër Rosen Plevneliev: “Në Evropën Juglindore pritet një bum i bashkëpunimit transkufitar”

botuar më 09-11-11 12.04.MD

Në fotografinë (nga e majta në të djathtë): Tobias Baumann nga Asociacioni i Dhomave industrialo-tregtare gjermane, ministri i zhvillimit regjional dhe i urbanizimit Rosen Plevneliev, Zanaida Zllatanova – kryetarja e delegacionit të KE-së në Sofje dhe Hellge Tolksdorf nga Ministria gjermane e ekonomisë dhe teknologjive gjatë kohës së konferencës.

Foto: Tanja Harizanova

“Në Evropën Juglindore pritet një bum i bashkëpunimit transkufitar.” Këtë e tha ministri i zhvillimit regjional dhe i urbanizimit Rosen Plevneliev në hapjen e Konferencës, kushtuar infrastrukturës në Evropën Juglindore dhe bashkëpunimit midis ndërmarrjeve të vogla e të mesme në regjion. Në të morën pjesë përfaqësues të Shqipërisë, Bosnjë-Hercegovinës, Bullgarisë, Gjermanisë, Qipros, Greqisë, Maqedonisë, Malit të Zi, Rumanisë, Serbisë dhe Turqisë.

Për herë të parë në fokusin e vëmendjes ishin vënë bashkëpunimi transkufitar dhe pjesëmarrja e ndërmarrjeve të vogla e të mesme në programet evropiane të zhvillimit regjional. Kjo temë është e rëndësishme për Bullgarinë, e cila ka ambicien të luajë rolin kryesor në kooperimin transkufitar. Bullgaria do të kërkojë bashkëpunim në fushat kryesore të ekonomisë siç janë nxitja e biznesit, turizmi, tregtia, rrjetet e informacionit dhe të komunikacionit, stimulimi i tregjeve të punës. Nëpërmjet bashkimeve të tij biznesi i vogël dhe ai i mesëm mundet dhe duhet aktivisht të marrë pjesë në absorbimin e mjeteve nga fondet evropiane. Dhoma industrialo-tregtare bullgare, organizatore e aktivitetit prej kohe punon në drejtimin qe Evropa Juglindore të krijojë kushte të mira për investime dhe biznes.

“Sepse shumë vende të Evropës Juglindore u bënë pjesë e Bashkimit Evropian dhe janë të interesuara për përmirësimin e kushteve të biznesit qe të mund të përhapim stabilitetin edhe në rajonet më të afërta pranë nesh siç janë Ballkani Perëndimor dhe Regjioni i Detit të Zi. Kurse kjo nuk mund të bëhet pa infrastrukturën e mirë – tha në kohën e konferencës kryetari i Dhomës industrialo-tregtare bullgare Cvetan Simeonov. – Momenti i dytë i rëndësishëm, i cili kërkon shqyrtimin e këtyre çështjeve është se interesat e shteteve të veçanta janë të ndryshme. Dhe ne do të dëshironim qe ndërtimi i infrastrukturës të jetë i balancuar qe të merren parasysh të gjitha interesat. Për Bullgarinë është e rëndësishme të aktivizojë kontaktet e saj nëpërmjet porteve të Detit të Zi, të zgjerohet infrastruktura përmes Stambollit qe të mund Evropa të lidhet me lehtë me Lindjen e Mesme dhe të ndërtohet Korridori Veri-Jug. Kur shqyrtojmë infrastrukturën, duhet të diskutohen dhe çështjet e sigurisë energjetike. Bullgaria është një prej vendeve më të interesuara në këtë drejtim.”

“Një burim i fuqishëm i zhvillimit të ekonomive janë fondet evropiane që i janë dhënë në dispozicion vendeve të regjionit” – theksoi Helge Tolksdorf nga Ministria gjermane e ekonomisë dhe teknologjive, e cila e vuri aksentin mbi domosdoshmërinë e tërheqjes së investimeve të huaja. Sipas fjalëve të Tobias Baumann nga Asociacioni i Dhomave industrialo-tregtare gjermane, përmirësimi i infrastrukturës është një masë e rëndësishme kundër krizës për Evropën Juglindore. “Këto projekte janë të nevojshme edhe për tërë Evropën” – theksoi ai:

“E ardhmja i përket Evropës Juglindore! – ishte kategorik ministër Plevneliev. – Në qoftë se përpara disa viteve këtu kishte tensione dhe luftëra, tani na paraprin një bum i bashkëpunimit, i ndërtimit të autostradave dhe i miqësisë. Në radius 500 kilometra rreth Sofjes jetojnë mbi 50 milionë banorë të Evropës Juglindore, që janë një treg interesant, para se gjithash për shkak të së ardhmes qe i paraprin atij – e ardhmja e një zhvillimi të shpejt dhe cilësor” - theksoi ministër Rosen Plevneliev.

Përgatiti në shqip: Gjullka Ilieva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Ministër Rosen Plevneliev: “Në Evropën Juglindore pritet një bum i bashkëpunimit transkufitar”

Më shumë nga rubrika

Një organizatë joqeveritare u shpall për ndalimin e reklamave të ushqimeve të pashëndetshme që u drejtohen adoleshentëve

Qyteti i dytë më i madh bullgar tërheq gjithnjë e më shumë studentë të huaj

"Çaji Bimor i Stranxhës" u bë produkt i mbrojtur në BE

"Zgjidh Bullgarinë" – shteti do të tërheqë bullgarë nga diaspora pa shtetësi

Për herë të tretë – Festivali i Letërsisë Bullgare në Hamburg

Shoqata “Komuniteti Ortodoks Bullgar në Çeki” bën thirrje për mbështetje