Bëhu pushtues i majave malore në Bullgari!

botuar më 10-08-20 8.51.PD

Maja Vihren (2914m) më malin Pirin

Foto: Rumjana Cvetkova

Gjëja e parë që i bën përshtypje njeriut që fluturon me avion mbi Bullgarinë janë masivet malore madhështore, të mbuluara me gjelbërim, të cilat shtrihen deri në horizont. Në dallim të shumë vendeve më të urbanizuara në Kontinentin e Vjetër, malet bullgare ruajnë pasuritë e tyre natyrore. Dhe kjo është e dukshme jo vetëm nga avioni. Po të doni të shihni nga afër bukurinë e maleve bullgare, duhet të kaloni nëpër to më këmbë. Për këtë qëllim keni nevojë për një veshje të mirë turistike, disa harta, kohë të lirë dhe patjetër një shpirt aventurist. Po ta keni të gjithë këtë, jeni gati të përfshiheni në nismën e Bashkimit Turistik Bullgar “Pushtues i 10 majave në Bullgari”.

Ngjitja është jo vetëm një sfidë fizike, por një përjetim i thellë shpirtëror.

Ngjitja është jo vetëm një sfidë fizike, por një përjetim i thellë shpirtëror.

Në Bullgari ka 35 male më të mëdha dhe më të vogla me relief të ndryshëm dhe me florë dhe faunë të ndryshme. Dhe secili prej këtyre maleve ka majat e veta piktoreske. Ideja e organizatorëve të nismës “Pushtues i 10 majave në Bullgari” është që pjesëmarrësit të hipin në majat më të larta të disa maleve tona shumë të njohura. Pushtimi i majave regjistrohet në pikën më të afërt turistike me vulë në një librezë të posaçme. Po të pushtoni të gjitha 10 majat, merrni dhe një çmim. Nisma gëzon interes të madh më shumë se katër dekada. Bëhet fjalë jo vetëm për turistë bullgarë, por edhe të huaj, më tepër nga vendet ballkanike, për të cilët malet bullgare janë një sfidë e madhe. Në vitet 90 në këtë nismë përfshiheshin 7 maja të larta bullgare. Me lehtësimin e regjimit kufitar në listë u përfshinë dhe tri maja të tjera që ngrihen në kufijtë tanë perëndimorë me Serbinë dhe Maqedoninë. Këto janë maja Ruj (1706m) në malin Ruj, maja Gocev vrëh (2212m) në malin Slavjanka dhe maja më e lartë në malin Belasica – Radomir (2029m). “Tetë nga majat janë me lartësi mbi 2000m dhe kërkojnë më shumë përvojë”, shpjegon Georgi Karpaçev nga Bashkimi Turistik Bullgar dhe shton:

“Duke zgjedhur këto objekte kemi kërkuar që të ketë të paktën një shtëpi të mirë turistike në afërsi, si edhe shtigje me markim. Këto kushte janë të pranishme në të gjitha 10 majat në listën tonë. Përveç kësaj në afërsi ka qytete dhe fshatra, ku pjesëmarrësit në ekspeditë mund të kalojnë natën, të marrin ushqim. Një kriter tjetër është që të ketë transport publik. Për të gjitha 10 majat kemi harta turistike, si edhe broshura me informatë të hollësishme për itineraret, shtëpitë turistike etj.”

Malet bullgare ruajnë pasuritë e tyre natyrore.

Në përgjithësi 10 majat mund të pushtohen nga turistë të zakonshëm pa një stazh të veçantë në kalimet e gjata. Ndër majat më të preferuara për pushtim është maja më e lartë në Gadishullin Ballkanik – Musala (2952m) në malin Rila. Në rrëzat e malit ka një teleferik dhe madje gjatë dimrit mund të takoni turistë që e kalojnë këtë itinerar. Shumë më e vështirë për pushtim është maja Vihren (2914m) në malin Pirin. Kur nuk është mbuluar me mjegull, ajo zbulon peizazhe të jashtëzakonshme. Përjetimi është pak i tmerrshëm, por sjell një kënaqësi të madhe.

Po të doni të shihni nga afër bukurinë e maleve bullgare, duhet të kaloni nëpër to më këmbë.

“Secili që ka hipur në këto maja mund të thotë se ka përfytyrim për pasuritë natyrore të vendit tonë – thotë Georgi Karpaçev. – Nisma ka një shpirt sportiv dhe praktikohet nga turistët me pak a shumë përvojë. Tashmë shumë njerëz çdo vit hipin në të gjitha 10 majat. Madje ka interes për ekspedita gjatë dimrit, por kjo kërkon më shumë përvojë dhe aftësi shumë të mira.”

Pushtuesit e majave bullgare thonë se ngjitja është jo vetëm një sfidë fizike, por një përjetim i thellë shpirtëror, një pastrim, pas të cilit njeriu ndihet plot me energji pozitive.

Përgatiti në shqip: Ekaterina Tarpomanova

По публикацията работи: Veneta Nikollova

Последвайте ни и в Google News Showcase, за да научите най-важното от деня!

Ndaje

Bëhu pushtues i majave malore në Bullgari!

Më shumë nga rubrika

Euronews: Bullgaria është një destinacion ideal për turizmin gjatë gjithë vitit me plazhet e saj të arta dhe majat e mbuluara me borë

Tërheqësja e vjetër në fshatin Govedarci do të transformohet në një teleferik me ulëse

Shkretëtira mistike bullgare - Gurët e Drejtë fshehin enigma të shumta

Euronews: Bullgaria është një destinacion ideal për turizmin gjatë gjithë vitit me plazhet e saj të arta dhe majat e mbuluara me borë