Aeroportet dhe stacionet bullgare janë krejt të sigurta dhe të përgatitura për aderimin e Bullgarisë në Zonën Shengen

botuar më 11-01-28 2.12.MD

Në aeroportin e Sofjes masat e ndërmarra të sigurisë i përmbushin të gjitha kriteret evropiane.

Foto: BGNES

Në një takim me përfaqësues të kompanive ajrore dhe të shoqatës hekurudhore ministri i transportit Aleksandër Cvetkov shqyrtoi masat e sigurimit dhe përgatitjen për hyrje në Zonën e Shengenit të BE-së të të gjitha stacioneve hekurudhore dhe aeroporteve. Masat e ndërmarra të sigurisë i përmbushin të gjitha kriteret evropiane – ishte përfundimi i ministrit.

“Do të jap një shembull – në aeroportin e Sofjes, i cili është më i madhi në Bullgari qindra janë nëpunësit, të cilët kujdesin për sigurinë e qytetarëve – saktësoi ai. – Aeroporti është pajisur me 261 kamera vëzhgimi dhe të gjitha zonat e aeroportit kontrollohen mirë. Kështu që qytetarët mund të jenë të qetë. Bashkë me policinë që përgjigjet për sigurinë e transportimeve gjithashtu bëmë një analizë të situatës në stacionet hekurudhore dhe përfundimi është se në të gjitha stacionet e mëdha ka kamera vëzhgimi dhe atje është siguruar kontrollim i përhershëm.”

Ministri saktësoi se të gjitha stacionet hekurudhore ndërkombëtare në Bullgari dhe të gjitha aeroportet i plotësojnë kriteret për aderim të shtetit tonë në zonën pa kontrollim kufitar të BE-së.
“Gjatë vitit të kaluar ishin bërë dy shqyrtime nga ana e Komisionit Evropian në lidhje me sigurinë e aeroporteve tona – kujtoi ministri Aleksandër Cvetkov. –Vlerësimi ishte se jemi të përgatitur mirë. Në lidhje me kërkesat e Zonës së Shengenit kishte disa vërejtje të vogla dhe ne morëm masa për evitimin e mangësive. Duke folur për stacionet hekurudhore ata gjithashtu punojnë në përputhje me kriteret evropiane dhe vetëm me stacionin Kapitan Andreevo që ndodhet në kufirin tonë me Turqinë ende zhvillohen punime rinovimi, të cilat do të përfundojnë më 9 shkurt. Portet detare gjithashtu nuk kanë nevojë për punë suplementare.”

Pyetjes a nevojiten masa të posaçme të sigurisë në lidhje me aktin terrorist në Moskë, ministri shpjegoi se tani për tani nuk ekziston nevojë e tillë.
“Për fat të mirë takimi ynë nuk është provokuar nga ndonjë sinjal ose kërcënim konkret – sqaroi ai. – Por vigjilenca kurrë nuk është e panevojshme, gjithmonë duhet të jemi pala që e ka përparësinë. Për këtë arsye jam i lumtur të them se nga pikëpamja e sigurisë aeroportet dhe stacionet tona punojnë në një nivel evropian.”

Është parashikuar që aeroporti “Sofja” të pajiset me më shumë detektorë metali dhe skanerë me rreze X për kontrollimin e bagazhit me vlerë të përbashkët 1 mln euro. Aktualisht në aeroport pajisja është e mjaftueshme dhe blerja e aparateve në fjalë është me qëllim që të zbatohen kërkesat e sigurisë për vitin 2014. Pritet se atëherë udhëtuesit në aeroport do të bëhen më shumë.

Përgatiti në shqip: Jordanka Ivanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Aeroportet dhe stacionet bullgare janë krejt të sigurta dhe të përgatitura për aderimin e Bullgarisë në Zonën Shengen

Më shumë nga rubrika

Qytetet bullgare nisin garën për Kryeqytetin Evropian të Kulturës 2032

Në vitin 2024 bullgarët më të rinj janë nga Ukraina dhe Turqia

Një koloni e re e pelikanit të rrezikuar dalmat u shfaq pranë qytetit Burgas

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

Tre vjet më vonë - për luftën në Ukrainë, paqen dhe të ardhmen