Urime të Shenjtërisë së tij mitropoliti i SHBA-së, Kanadasë dhe Australisë Josif

botuar më 11-12-22 10.08.PD

Gëzuar Krishtlindjet!

Foto: BGNES

“Gëzohem shumë se edhe këtë vit mund t’ju përshëndes me anë të Radio Bullgarisë me rastin e festës së Krishtlindjeve! E di se e bëj këtë me bekimin e plotë të Jisu Krishtit. Të gjithë ne çdo vit më 25 dhjetor festojmë ditëlindjen e Jisu Krishtit, të cilin e duam dhe nuk do ta harrojmë gjersa Toka rrotullohet rreth Diellit. Kush është Jisu Krishti? Engjëlli, i cili u duk para barinjve gjatë Natës së lindjes trupore të Zotit tonë Jisu Krisht i përgjigjet kësaj pyetjeje: “Sot lindi Shpëtimtari, i cili është Zoti Juaj!” Krishti është Zoti. Para shumë shekujsh Krijuesi na premtoi se ai do të vijë tek ne. Krishti është Zoti, është Alfa dhe Omega, Fillimi dhe Fundi, Drita e botës, Ringjallja, Udha, E vërteta dhe Jeta. Jisu Krishti ulet djathtas Atit, por vazhdon të kujdeset për dobinë dhe të mirën tonë.

Krishti lindi, që të bindemi se të gjithë ata, të cilët nuk ishin lajmëruar për ardhjen e tij dhe nuk kishin dëgjuar për të, do të mësojnë se ky është Krishti, i cili na bën thirrje, që të bëhemi kryqëzatës që nga lindja e diellit deri në perëndimin e tij, të kemi të njëjtat mendime dhe ndjenja, të cilat i ka pasur vetë ai. Kështu ai do të jetë në zemrat tona dhe të gjithë ne do ta shohim Krishtin në sytë dhe zemrat e njerëzve, me të cilët komunikojmë çdo ditë.

Krishti erdhi nga qielli në tokë, që të jetë gjithashtu kreu i Kishës Ortodokse Bullgare në atdheun tonë dhe në botë. Prandaj, në emrin e tij, ne i bëjmë apel Bullgarisë për të lindur më shumë njerëz të ndershëm. Kështu rrezet e diellit do të kenë kuptim dhe çdonjëri, i cili na dëgjon tani, duhet të rishikojë jetën e vet dhe të vendosë cilit të shërbejë – Krishtit të Lindur, i cili është i njëjtë dje, sot e përgjithmonë, ose gënjeshtrës.

Krishti tashmë është në tokë, ndër ne, që të na bindë se pa besimin nuk mund t’i shërbejmë Zotit dhe se duhet të besojmë se Ai ekziston dhe se i shpërblen ata, të cilët e kërkojnë. Ne duhet të çlirohemi nga mëkati dhe të kemi si shembull Krishtin, si mbajtës i besimit, dhe të mos jepemi pas besimeve të tjera.

Në këtë kohë krizash shpirtërore dhe financiare Krishti përsëri lindi, që të na rikujtojë fjalët: “Unë erdha, që të keni jetë dhe mirëqenie...”

“Gëzuar Krishtlindjet! Gëzuar Vitin e Ri 2012!” – kjo ishte përshëndetja e Shenjtërisë së tij mitropoliti i SHBA-së, Kanadasë dhe Australisë Josif.

Përgatiti në shqip: Vesella Mançeva

По публикацията работи: Svetllomira Ivanova

Последвайте ни и в Google News Showcase, за да научите най-важното от деня!

Ndaje

Urime të Shenjtërisë së tij mitropoliti i SHBA-së, Kanadasë dhe Australisë Josif

Më shumë nga rubrika

Doktor Ivan Seliminiski – mik i Naum Veqilharxhit dhe i Shqipërisë

Nëpër gjurmët e murgjve mesjetarë – fytyra e fshehtë e Manastirit Shkëmbor të Ivanovos

Gjeniu i ndërtimit romak merr jetë nën rrugët e Raciaria-s së lashtë