Rajna Kabaivanska prezantoi nxënësit e vet

botuar më 12-12-14 9.38.PD

Foto: BGNES

Aria e Manonit në interpretim të sopranos Rajna Kabaivanska

Update Required To play the media you will need to either update your browser to a recent version or update your Flash plugin.

Këngëtarë të rinj, nxënës të sopranos me famë botërore Rajna Kabaivanska, janë solistë në premierën bullgare të “Verterit” nga Zhull Mashe në skenën e Operës së Sofjes.

“Tanimë u bë traditë bashkëpunimi midis klasave të mia, të cilat prej viteve i drejtoi në Itali dhe Bullgari – tregon Rajna Kabaivanska. – Për herë të dytë realizojmë një produkt në Sofje, pas suksesit të pjesës së “Bohemit”. Unë i jam shumë falënderuese drejtorit të teatrit zoti Kartallov i cili u jep mundësi njerëzve të rinj të mund të realizohen. Talenti i artistit shikohet më mirë në skenë të madhe. Kjo është dhe lufta ime – të ndihmojë nxënësit e mi të mund ata të paraqiten. Në Sofje jam me mexosopranon Veronika Simeoni nga Italia. Ajo mëson me mua prej 10 vjetëve dhe tanimë po fillon një karrierë botërore. Ky është debutimi i saj në rolin e Sharlotës. Alldo Kaputo deri vonë qe një tenor lirik, por tani po bëjmë një hap të guximshëm me një repertor të ndryshëm. Italianja Eliza Mafi e cila qe në klasën time në Sofje, tani interpreton Sofi në “Verter”. Kurse Allberti është i riu Anton Markov – bursist në Modena.”

“Pas operës “Manon”, “Verter” është krijimi i dytë i Zhull Masnes, i cili pushton me sinqeritet, poezi, një fines tipik francez të fjalimit dhe të forcës së emocionalitetit” – shkruan profesoresha Bojanka Arnaudova. Kjo është shfaqja e katërt e “Verterit” në skenën e kryeqytetit. Është krijuar në partneritet midis operës së Sofjes, Teatrit “La Mone” në Bruksel dhe Universiteti i Ri bullgar. Regjisor është Gi Josten nga Belgjika. Ajo është e luajtur në Vjenë, Bruksel, Spanjë, Kopenhagë... Drejtori i Operës së Sofjes, z. Pllamen Kartallov tha përpara gazetarëve se e ka pëlqyer stilin prej regjisori të Gi Jostenit dhe ka dashur që ta tregojë përpara publikut bullgar. E mahnitur nga shfaqja është dhe prima Rajna Kabaivanska.”Ajo është në një nivel botëror, me zgjidhje të cilat në pamje të parë janë shokuese, por janë në kundërvënie me muzikën” – shtoi sopranoja. Me buzëqeshje Gi Josten i pranoi komplimentet e kolegëve të vet dhe tha se, shpresoi se spektakli të mbetet në historinë personale të solistëve të rinj.

Në ekipin ndërkombëtar , i cili kishte përgatitur premierën e “Verterit”, është dhe dirigjenti Xhuzepe Sabatini nga Italia. “Ai është një nga tenorët më të mëdhenj. E ka filluar rrugën e tij muzikore me incizime në kontrabas, bëhet këngëtar i operës, por ëndrra e tij ka qenë të jetë dirigjent” – sqaroi Rajna Kabaivanska. Z. Sabatini ka kënduar në rolin e Verterit në mbi 60 spektakle, por për herë të parë është dirigjent i kësaj opere.

“E ndjeva veten mirë në teatrin tuaj, punova seriozisht, dhe në mënyrë të thelluar – tregon Xhuzepe Sabatini. – Ky është një debutim si për solistët, ashtu edhe për orkestrën. Kurse Masne është një kompozitor i madh, melodik. Opera e tij nuk është e lehtë për tu mësuar dhe për tu interpretuar, duhet një përqendrim i madh, që të mund të hyjë grupi në stilin dhe në frymën e krijimit francez. Puna ime këtu kaloj nën shenjën e respektit ndaj partiturës së “Verterit”.

Pas spektakleve gjatë muajit dhjetor, shfaqja mbetet në repertorin e Operës së Sofjes, kurse rolet kryesore do të interpretohen nga këngëtarë bullgarë.

Përgatiti në shqip: Nataniela Vasileva

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Rajna Kabaivanska prezantoi nxënësit e vet

Më shumë nga rubrika

Paola e re dhe "Fuqia e dashurisë"

“Peshore” – kënga më e fundit e Projektit “Artistë këngëtarë”

"Çelësi Sol" zhbllokon kujtimet e shtëpisë së babait

"Të mos jemi vetëm" – një këngë me mesazh të fortë

“Magjia” një këngë për marrëdhëniet romantike tashmë të harruara