Pasi politika e ardhshme bujqësore e Bashkimit Evropian tanimë është e miratuar, Bullgaria mund të vazhdojë skemën për pagim në sipërfaqe, si dhe të japë më shumë subvencione atyre të prapambetur. “Gjelbërim” i subvencioneve, mjete për inovacione, si edhe për inkurajimin e “shkurtimit” të furnizimeve nga fermeri deri te konsumatori. Këto janë pjesë nga masat në politikën agrare pas vitit 2014, mbi të cilat tanimë ka pajtim midis vendeve anëtare, Komisionit Evropian dhe Parlamentit Evropian. Sipas marrëveshjes përfundimtare Bullgaria do të mund të vazhdojë pagimin e subvencioneve direkte mbi sipërfaqe, dhe jo siç parashikohej përmes të drejtave për pagim.
Sipas marrëveshjes, vendet e reja anëtare kanë të drejtë të ruajnë skemën e deritanishme me subvencione në sipërfaqe – propozim, nga i cili mbase Bullgaria do të shfrytëzohet. Por njëkohësisht u jepet mundësi shteteve të shtojnë të ashtuquajturat pagime, lidhur me prodhimin. Këto janë mjete, të cilat u jepen blegtorëve, prodhuesve të frutave dhe të perimeve. Subvencionet shpërndahen sipas sasisë të produktit të prodhuar, dhe jo mbi bazën e tokës së përpunuar. Ata mund të arrijnë deri më 13 për qind nga të gjitha pagimet. Njëkohësisht hiqet lista me kulturat, rritja e të cilave subvencionohet nga shteti. Kështu në fakt Bullgaria do të ketë mundësi t’u ndihmojë bletarëve, prodhuesve të vajit të trëndafilit etj., të cilët deri tani nuk kanë marrë financim.
Njëkohësisht pagimet në sipërfaqe pritet të “jeshilohen”, pasi 30 për qind prej tyre duhet të lidhen me praktika për ruajtjen e mjedisit rrethues. Do të aplikohet rregulli për “fermerët aktivë”, sipas të cilit do të krijohet listë me veprimtari, të cilat nuk do të kenë të drejtë për subvencione. Gjatë viteve të fundit revizionet e ndryshme treguan se, subvencione bujqësore përvetësohen nga aeroportet, firmat për prona të patundshme dhe të tjera të ngjashme, të cilët nuk kanë lidhje me sektorin.
Ndryshimet për pagimet direkte do të hyjnë në fuqi që nga viti 2015 dhe jo nga viti 2014, ku qëllimi është t’u jepet mundësi fermerëve të adaptohen ndaj kushteve të reja, kurse agjencitë e pagimeve dhe qeveritë të bëjnë ndryshimet e nevojshme në legjislacion dhe organizimin e punës.
Fondacioni “Unitetit” ("Edinstvo") - Koçani u dërgoi një letër të hapur institucioneve kryesore bullgare. Në të shprehet mirënjohje për mbështetjen dhe ndihmën humanitare të ofruar nga Bullgaria Maqedonisë së Veriut pas tragjedisë së zjarrit në një..
"Interpretimi i ngushtë i konceptit "bullgarë-gagauzë", i imponuar në praktikë nga Ministria e Drejtësisë, pengon rivendosjen e shtetësisë bullgare për gagauzët në Ukrainë dhe Moldavi." Dhënia e shtetësisë bullgare po refuzohet masivisht për..
Me një shëtitje pranverore deri te shtëpia e pushimit “Bozhur”, dhjetëra entuziastë dhe dashamirës të natyrës do të nisin edicionin e 44-t të fushatës “Lëviz dhe fito” . Shëtitja e parë do të zhvillohet më 3 maj me pikë grumbullimi – Ura e Peshkopit..
Shumica qeverisëse e mbështet fuqishëm qeverinë dhe ka parakushte për një qeverisje për një mandat të plotë katërvjeçar. Kjo u njoftua nga Kryeministri..
Ideja e një referendumi për euron mbështetet nga 63.3% e bullgarëve kundrejt 35.3% që janë "kundër". Kjo tregohet nga një sondazh i pavarur nga..
Nga frika e votës së qytetarëve bullgarë në një referendum mbi gatishmërinë e Bullgarisë për të futur euron në vitin 2026, sot shumica e re në Parlament..
Vranësira të dendura
Pjesërisht me re
Mot i kthjellët