Prodhuesit e drithërave presin humbje, megjithë rendimentin e lartë

botuar më 13-08-09 10.39.PD

Foto: BGNES

Përfunduan të korrat e drithërave në Bullgari. Sipas fjalëve të ministrit të bujqësisë dhe ushqimeve, Dimitër Grekov rendimenti i regjistruar sivjet është më i larti 8 vitet e fundit. Pritet të mblidhen 4.7 mln tonë drithëra, që është me 20 për qind më shumë në raport me një vit më parë. 65 për qind e grurit është i cilësisë së lartë. Sivjet tokat e prekura bujqësore ishin 1 mln ha, ndërsa të korrat mesatare ishin 4280 kg/ha. Këtë e tregojnë të dhënat e ministrisë.

Sivjet u regjistrua dhe rendiment i lartë prodhimi të drithërave në botë. Natyrisht, ofertat në treg ulën çmimin e një toni grurë. Çmimet caktohen nga prodhueset e mëdha të drithërave. Këto janë SHBA-ja, Rusia dhe Kanadaja. Ekspertët komentojnë se Bullgaria është pjesëmarrëse pasive në formimin e çmimit. Për rajonin e Detit të Zi prijëse janë Rusia dhe Ukraina, të cilat gjithashtu regjistruan rendiment të lartë. Pritet që prodhimi i sivjetshëm i grurit në botë të arrijë nivelin rekord prej 700 mln tonësh.

Sipas të dhënave të Bursës së Mallrave në Sofje çmimi i grurit në vend u ul me 28 për qind nga muaji janar. Kjo tendencë vërehet edhe në vende të tjera. Në Hungari u regjistrua ulje me 32 për qind, në Francë – me 22 për qind, në Ukrainë – me 20 për qind, në Gjermani – me 19 për qind dhe në SHBA – me 10 për qind.

Në Bullgari një ton grurë blihet për 130-135 euro krahasuar me 225-250 eurot vitin e kaluar. Atëherë të korrat e drithërave në botë u prekën nga fatkeqësitë natyrore të cilat nuk e kapën Bullgarinë. Për shkak të uljes së shpejtë të çmimeve këtë verë, tregu i drithërave në Bullgari pothuajse u mbyll. Këtë e sqaroi zv/kryetari i Asociacionit Kombëtar të Prodhuesve të Drithërave, Radosllav Hristov. Fermerët po priten momentin kur do të marrin një ton grurë në vlerë 150 euro. Bullgaria është një nga importueset e mëdha të grurit në rajon. Importi formohet nga tre e katërta e tërë rendimentit.

Sipas parashikimeve paraprake prodhuesit bullgarë të drithërave sivjet do të humbasin përafërsisht 500 mln euro. Ja pse ata shtruan një kërkesë në Ministrinë e Bujqësisë dhe Ushqimeve. Ministri Gregov premtoi se paratë evropiane destinuar tokës bujqësore sivjet do të merren më herët. Kështu prodhuesit bullgarë do të kenë mundësinë të përgatiten për mbjelljet. Paratë evropiane për një hektar tokë mbulojnë 15-20 për qind të harxhimeve që bëjnë prodhuesit e drithërave. Sivjet BE-ja ka parashikuar të shpërndajë mes të gjithë prodhuesve bullgarë deri 560 mln euro për 1 akër. Shumica e këtyre parave shkojnë te prodhuesit e drithërave, derisa te prodhuesit e perimeve dhe frutave etj, shkojnë mezi 4 për qind.

Çmimet e ulëta të blerjes ndikuan mbi çmimin e tokave bujqësore. Në rrethin e Stara Zagorës, Bullgari Juglindore, tokat bujqësore u pakësuan me 50-75 euro për 1 akër. Specialisti Hristov e komentoi këtë se kohët e fundit çmimet andej ishin rritur pa arsye. Sipas të dhënave statistikore në periudhën 2004-2012 çmimet e tokave bujqësore katërfishuan. Ekspertët komentojnë se sivjet për herë të parë që nga viti 2008 ofertat mbikalojnë kërkesat që do të thotë se çmimet e tokave bujqësore do të normalizohen.

Përgatiti në shqip: Anna Kapitanova

По публикацията работи: Maria Dimitrova-Pisho

Последвайте ни и в Google News Showcase, за да научите най-важното от деня!

Ndaje

Prodhuesit e drithërave presin humbje, megjithë rendimentin e lartë

Më shumë nga rubrika

Terminali në Aleksandrupolis kontribuon në konkurrencën e lirë

Do të modernizojnë ndërmarrjen e vetme shtetërore të përpunimit të qumështit "LB Bulgaricum"

Mbërrin ngarkesa e parë e gazit natyror nga terminali i Aleksandrupolis