Mjekë ushtarakë bullgarë me dekorata të larta nga komanda e Ushtrisë Amerikane

botuar më 13-10-23 12.21.MD

Komanda e Ushtrisë Amerikane dalloi mjekët ushtarakë bullgarë, kapter Stefan Hristov, major dr. Milena Stojanova, kapter Violeta Pallatova dhe kapter Violeta Ganeva.

Foto: Архив

Katër mjekë bullgar morën dekorata të larta nga komanda e Ushtrisë Amerikane për pjesëmarrjen e vet në ISAF. Ata janë pjesë nga ekipet në Spitalin Ushtarak të Ushtrisë Afgane në Kandahar, të dërguar nga Akademia Ushtarako-Mjekësore në Sofje. Mbajtës të “medaljes së nderit të Ushtrisë Amerikane” janë major dr. Milena Stojanova për arritjet e saj të jashtëzakonshme në fushën e gjinekologjisë, si edhe kapter Stefan Hristov-instruktor sanitar, i cili është dalluar gjatë stërvitjeve në fushën e anestezisë. Me medalje për arritje të mëdha janë dekoruar infermieret kapter Violeta Pallatova dhe kapter Violeta Ganeva, për rezultatet e tyre të jashtëzakonshme në fushën e kujdeseve komplekse e shëndetësore.

Deri tani në Afganistan kanë punuar mbi 600 mjekë ushtarakë bullgarë. “Për 10 vjet pjesëmarrje në spitalet e forcave të Koalicionit nuk ka një ekip bullgar, i cili të mos të jetë kthyer me njohje nga komanda e ISAF-it ose nga pushtetarët të cilët kanë vizituar

misionet në Afganistan – tregon koloneli doc. Vencisllav Mutafçijski, drejtor i Klinikës për Kirurgji Endoskopie, Endokrine dhe Koloproktologji pranë Akademisë Ushtarako-Mjekësore. Ai është dhe president i Komitetit Ballkanik të Kirurgjisë Ushtarake. – Nikolla Sarkozi, kur ishte president i Francës, vizitoi bazën në Kabull dhe e dalloi të gjithë ekipin tonë nga spitali ushtarak, i cili ka shpëtuar jetën e 23 ushtarëve francezë të plagosur pas një atentati të rëndë. Gjatë vitit 2010, kur unë isha në Afganistan, gjatë vizitës sime në bazën ushtarake spanjolle në Herat, ministri spanjoll i atëhershëm i mbrojtjes, zonja Karme Çakon i dekoroi ekipet bullgare për shkak të dhjetëra ushtarakëve spanjollë të shpëtuar prej nesh.”

Shtylla kurrizore e një spitali ushtarak është ekipi prej kirurgëve, traumatologëve dhe anesteziologëve. Shpesh mjekët bullgarë marrin pjesë në ekipe të përziera nga kombësi të ndryshme. “Pas operacionit në Irak, NATO-ja aplikoi një doktrinë të vet mjekësore, e cila ndryshojë filozofinë e kirurgjisë ushtarake. Gjatë operacioneve mësuam të jemi në nivelin e njëjtë me të tjerët.”, kujtohet koloneli Mutafçijski. Ai është i bindur se aktualisht bullgarët kanë po këtë përgatitje si kirurgët ushtarak amerikan dhe evropianoperëndimor. Një dëshmi për këtë është vet koloneli Mutafçijski, i cili është mes ekspertëve më të mirë të transplantimeve të mëlçisë së zezë. Ai është dhe anëtar i diplomuar i Shoqërisë Amerikane të Kirurgëve. “Për mua kjo qe arritja më e madhe në karrierën time profesionale, sepse vlerësimi është jashtëzakonisht serioz – thotë koloneli Mutafçijski. – Më shumë se 250 veta vendosin se kush mund të pranohet. Nuk bëhet fjalë për një anëtar nderi ose të huaj, por për një anëtar i rregullt i diplomuar. Kjo është një lumturi dhe njohje e madhe për mua. Unë kam qenë shumë herë në kontakt me kolegët e mi amerikanë, jam mësuar prej tyre, kam shkuar bile në kurs në spitalet ushtarake amerikane. Kjo është dëshmi se jam në nivelin e tyre.”

Jehonat e shkëlqyera për mjekët ushtarakë bullgarë janë shkak për praninë e tyre në disa nga pikat e nxehta në botë gjatë viteve të fundit – në Kamboxhia, Bosnjë dhe Hercegovinë, Kosovë, Irak, Afganistan, Haiti dhe tani në Mali.

Përgatiti në shqip: Nataniela Vasileva
Fotografi: arkiv personal

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Mjekë ushtarakë bullgarë me dekorata të larta nga komanda e Ushtrisë Amerikane

Më shumë nga rubrika

Popullsia e lejlekëve të bardhë është rritur me një të tretën

Gazetari Hristo Grozev në Berlin: Çmimi evropian vërteton se vitet e mundimit ia vlejnë

Interes rekord për programin "Unë Zgjedh Bullgarinë" të drejtuar për bullgarët jashtë vendit

Bullgarët në Hungari me një festë të dyfishtë – Ditën e Miqësisë dhe marrjen e certifikatës së UNESCO-s për traditën e tyre të kopshtarisë

Gara më e madhe ndërkombëtare e dhomave escape po zhvillohet në Sofje