Pasi u ndërtuan godinat e Shkollës së Lartë Mbretërore, në vitin 1906 nga Rusia u importuan 100 mijë fidanë për parkun e saj. Një monument tjetër historik i Akademisë Ushtarake është gardha. Ajo përbëhet nga tytat e pushkëve “Krënka” dhe “Berdana”, t’i dhuruara ushtrisë së porsaformuar bullgare nga Rusia pas Luftës Ruso-Turke në vitet 1877-1878, e cila ishte çlirimtare për Bullgarinë. Pikërisht me ato pushka ushtria bullgare me dinjitet mbrojti një nga veprat më të shënuara në historinë kombit: bashkimin e dy pjesëve të Bullgarisë – Rumelisë Lindore me Principatën Bullgare gjatë vjeshtës së vitit 1885. Ato pushka ishin pjesë e armatimit të ushtarëve bullgar në Luftën Serbo-Bullgare dhe në Luftën e Parë Botërore. Për punimin e gardhës së Akademisë Ushtarake në Sofje kishte një projekt special, i cili ishte i harmonizuar me arkitekturën e tërësishme të kompleksit, të monumenteve të arkitekturës dhe historisë, që ndodhen brenda në oborr.