Në Bullgari gjatë muajit prill niset “Marshimi i librave”. Asociacioni “Libri bullgar” ka marrë përsipër nismën të nxisë tek më të vegjlit dëshirën për t’u lexuar. Nisma do të pushtojë zemrat e fëmijëve të cilët do të kenë mundësinë të transferohen në botën magjike të përrallave.

“Kjo nismë ka të bëjë me dy datat – 2 prillin që është Dita Ndërkombëtare e Librit për Fëmijë dhe me 23 prillin që është Dita Ndërkombëtare e Librit dhe të Drejtave të Autorit – thotë z. Veselin Todorov, kryetar i Bordit Themelues të Asociacionit “Libri bullgar”. – Nisma u bë traditë. Gjatë hapjes së aktivitetit në Bibliotekën e Kryeqytetit kryebashkiakja znj. Jordanka Fandëkova zakonisht lexon para fëmijëve. Shumë personalitete të shquara na përkrahin, mes tyre ka shkrimtarë bashkëkohorë, artistë, sportistë dhe politikanë. Ata takohen me të vegjlit në shkolla, kopshte fëmijësh dhe në shumë biblioteka në të gjithë Bullgarinë, ku lexojnë librat e preferuar të fëmijëve. Takimet quhen “marshim i leximit” dhe organizohen nën kujdesin e Asociacionit të Informacioneve për Bibliotekat. Shkrimtarët promovojnë veprat e tyre të fundit. Sivjet kemi organizuar në aktivitet në Sofje ku do të përfshihen 9 libraritë më të mëdha të kryeqytetit. Ideja është që pjesëmarrësit të shkojnë në këto librari dhe të mbledhin vulë dhe pas kësaj do të shpërblehen me libra për fëmijë. Më 12 dhe 13 prill do të hapen dy stenda në Kopshtin e Borisit në qendër të Sofjes ku do të organizohet leximi nën qiell të hapur. Po ashtu do të mbahet konkursi i librit të preferuar për fëmijët, në të cilin konkurs ne bashkëpunojmë me Fondacionin “Librat për fëmijë”. Ky konkurs zhvillohet online. Juria prej fëmijëve voton për librin e tyre të preferuar. Më 30 prill rezultatet do të nxirren në pah.”

Sivjet të vegjlit do të udhëtojnë me tramvajin retro të letërsisë, itinerari i të cilit do të kalojë qendrën e kryeqytetit. Në të udhëtarët e vegjël do të takohen me shkrimtarët bashkëkohorë bullgarë, dhe po ashtu me disa personalitete të famshme dhe do të dëgjojnë përrallat e tyre të preferuara. Më 23 prill Asociacioni “Libri bullgar” do të shpërndajë dekoratën “Kalorësi i librit” mes gazetarëve të cilët kanë kontribuuar në popullarizimin e librave.

A lexon bullgari?

Sipas të dhënave të asociacionit vjet janë botuar 6 mijë libra. Gjatë 2013-ës bullgarët kanë shpenzuar për libra rreth 77.5 euro që është me 2% më shumë në krahasim me vitin e mëparshëm. Megjithatë, jemi prapa Evropës sipas këtij treguesi. Mesatarisht evropiani blen 11-12 libra në vit, kurse bullgari – dy e gjysmë. Për mendimin e z. Veselin Todorov është gabim të mendohet se njerëzit lexojnë vetëm tituj të përkthyer. Dy e treta e librave të botuar në Bullgari është e autorëve bullgarë.

Përgatiti në shqip: Anna Kapitanova