Cikli “Sofja e padukshme” për këtë vit do të mbyllet me ekspozitën “Artizanët e Sofjes”, kushtuar trashëgimisë kulturore të luajtshme. Ekspozita do të hapet sot, 21 tetor, në hapësirën e Sallave të rinovuara Qendrore të Tregut në kryeqytet.
“Në vitin 2025 do të vazhdojmë të zbulojmë aspekte të panjohura të trashëgimisë kulturore materiale dhe jomateriale të Sofjes me më shumë ekspozita”, tha Cvetana Kulinska nga organizatoret e “Programit”.
Aktualisht po punohet për disa projekte, të cilat do të përqendrojnë vëmendjen në institucionet ikonike kulturore si teatrot e Sofjes dhe figurat emblematike të skenës teatrore bullgare. “Ne vazhdojmë të kërkojmë frymëzim në simbolet e fshehura, por domethënëse të qytetit, të cilat shpesh mbeten pa u vënë re”, shtoi Cvetana Kulinska.
"Lagjet e vjetra të Sofjes" është një ekspozitë fotografike, gjithashtu pjesë e ciklit "Sofja e padukshme", e cila mund të shihet deri në fund të muajit në kryeqytet. "Ne duam t'i inkurajojmë njerëzit që t'i shikojnë këto vende dhe të kuptojnë vlerën e tyre, duke i frymëzuar në të njëjtën kohë që të kërkojnë mënyra të reja për t'i ruajtur ato," tha Cvetana Kulinska.
Lexoni më shumë nga arkivi ynë:
Me rastin e festës së Shën Kirilit, Muzeu Arkeologjik "Veliki Presllav" prezanton ekspozitën "Në rrugën e nxënësve". Ekspozita kushtuar krijuesve të alfabetit sllavo-bullgar tregon rrugën e Kirilit dhe Metodit në Bullgari, si pjesë e Rrugës Kulturore..
Ekipi i shkollës bullgare të së dielës "Ivan Vazov" në Paris po përgatit edicionin e dytë të konkursit letrar ndërkombëtar "Penda magjike". Sfida është për të gjithë fëmijët dhe të rinjtë në mbarë botën që shkruajnë në bullgarisht, pavarësisht nga shkolla..
Maria Bakallova do të luajë një rol kryesor në filmin e ri të Sylvester Stallone "My Masterpiece" (“Kryevepra ime”), njofton faqja e kinemasë profesionale IMDB. Aktorja do të marrë pjesë së bashku me yllin amerikan dhe do të luajë rolin e një vrasëseje me..