Bullgari është tip i cili gjithmonë le të holla anash dhe kursen për ditë të vështira. Bullgarit i pëlqen të mbajë të hollat në vend të sigurt. Shtresa e mesme e shoqërisë bullgare preferon depozitën bankare. Ky është një variant i mirë, duke pasur parasysh interesin e favorshëm megjithëqë u vë taksë mbi të ardhurat e kursyera. Arsye tjetër që të jetë bullgari kursimtar ishte kriza e cila na bën të ndihemi jo të sigurt dhe të harxhojmë kot.
Kohët e fundit depozitat bankare të personave fizikë tejkaluan 19 mlrd euro që është me 11% më shumë në krahasim me një vit më parë. Mirëpo, statistika tregon se mezi 33% e popullsisë bullgare bën depozita në bankë. Në vit një bullgari i bien mesatarisht nga 200 euro të kursyera. Kur të përfshihen po ashtu dhe kursimet e firmave, depozitat arrijnë shumën rekord prej 29 mlrd eurove. Le të rikujtojmë se PBB-ja për vitin 2013 ishte gati 40 mlrd euro, pra kursimet në Bullgari tejkalojnë 72% nga PBB-ja e shtetit.
Interesante është se çfarë bëjnë bankat me këto depozita. Si duket nuk i mbajnë në arkën-trezor të bankës sepse kjo nuk sjell fitim. Nëse merret parasysh kreditë e lëshuara, pothuajse të gjitha kursimet shkojnë për kreditimin e biznesit dhe të ekonomive. Shuma e kredive arrin 27 mlrd euro kundrejt kursimeve në vlerë 29 mlrd euro. Prandaj bankat në Bullgari janë në gjende të mirë – ato nuk mbajnë “para të ngrira”.
Nuk dihet me siguri a do të vazhdojë kjo tendencë e cila tendencë varet nga nivelet e interesit. Derisa vitin e kaluar interesi mesatar ishte 3.76%, nga janari i 2014-ës vërehet një tendencë e qëndrueshme e pakësimit të nivelit të tij dhe aktualisht ky është rreth 3%. Kjo do të thotë se depozitat nuk janë aq atraktive se përpara dhe njëkohësish bëhen më të lira për bankat të cilat nuk interesohen për resurs të ri financiar sepse janë mjaft likuide. Ekspertët janë të mendimit se po të rrihet ekonomia përsëri do të kërkohet kreditimi dhe bankat duhet të jenë më atraktive për sa i përket interesit dhe të tërheqin resurs të ri financiar.
Përgatiti në shqip: Anna Kapitanova
Në shtator, treguesi i përgjithshëm i klimës së biznesit në vend u ul me 1 pikë krahasuar me muajin gusht, për shkak të vlerësimeve më pak të favorshme në industri. Treguesi në sektor bie me 5.2 pikë dhe menaxherët raportojnë ulje të aktivitetit..
Bullgaria është ndër vendet me më shumë banesa, duke qenë në vendin e parë mes 24 vendeve evropiane. Sipas Indeksit të fundit Global Property të kompanisë ndërkombëtare të konsulencës “Deloitte”, ka 668 shtëpi për 1000 qytetarë bullgarë. Kështu,..
Procedura për projektet e ruajtjes së energjisë së rinovueshme sipas Planit të Rimëkëmbjes dhe Qëndrueshmërisë është hapur dhe propozimet përkatëse tashmë janë duke u pranuar. Paratë janë shumë, afatet janë të shkurtra dhe kushtet që duhet të..
Tregu i pasurive të paluajtshme në Bullgari “ngriu” në nivelet e vitit të kaluar. Sipas të dhënave të Shoqatës Kombëtare të Pasurive të Paluajtshme, të..