Në mesin e vitit 2013 KE filloi bisedime për lidhjen e Marrëveshjes midis BE dhe SHBA për Partneritet Transatlantik për Tregti dhe Investime, e cila do të krijonte zonën më të madhe të tregtisë së lirë në botë. Deri në prill të këtij vit janë zhvilluar nënte raunde prej tyre. Me marrëveshjen lidhen shpresa të mëdha, por edhe shqetësime në fusha si normat shëndetësore, shërbimet financiare, transporti detar, aksesi i firmave të vogla te tregu i prokurimeve publike në SHBA, mekanizmi për zgjidhjen e mosmarrëveshjeve midis investitorëve dhe shteteve. Negociatori kryesor Cecilia Malmström– Komisionerja mbi çështjet e tregtisë, ripohoi, se ajo nuk do të nënshkruhet me çdo çmim. Ajo prognozon, se bisedimet do të vazhdojnë edhe gjatë vitit tjetër. Si në Evropë, ashtu edhe në Bullgari, mendimet për dobitë dhe dëmet e Marrëveshjes së Partneritetit Transatlantik për Tregti dhe Investime janë të ndara.
“Të dhënat tona, të cilat ishin analizuar që në nisjen e bisedimeve, tregojnë shumë tendenca pozitive për Bullgarinë – thotë Dijana Najdenova, Shefe e Drejtorisë “Politika e Jashtme Ekonomike” pranë Ministrisë së Ekonomisë. Prej vitesh realizojmë saldo pozitive tregtare me SHBA, që do të thotë, se eksportojmë më shumë se sa importojmë. Në shkëmbimin tregtar kemi pjesë të madhe të makinerive dhe pajisjeve elektronike që tejkalojnë 35%. Sipas njërës prej analizave, Bullgaria për shkak të strukturës së eksportit, është vendi i cili do të fitojë më shumë nga heqja e taksave doganore, sepse niveli mesatar i taksave doganore që aplikohen, është shumë më i lartë se ai për të gjitha vendet e tjera të BE. Ai është mbi 11 %, ndërsa për vendet e tjera është 2-3 %. Ky është shembull, se eksporti bullgar është me aftësi të konkurrencës. Importi amerikan ende përbën rreth 0.8% prej importit të Bullgarisë.”
“Për ne është shqetësues fakti, se debatet mbi këtë çështje në Bullgari vonuan shumë – ky është qëndrimi i deputetit nga PSB “Bullgaria e Majtë” Kristian Vigenin. Ato nuk zhvillohen në institucionet të cilët pas kësaj do të përgjigjen për këto çështje. Parlamenti Bullgar refuzoi kategorikisht të zhvillojë debate mbi këtë temë, përfshi edhe në komisionet përkatëse. Kjo është detyrë e Ministrisë së Ekonomisë. Cilat janë pritjet e Bullgarisë, ku shohim probleme, cilat çështje do të dëshironim të shtronim dhe cilat prej tyre do të merren në konsideratë në bisedimet. Ashtu si Parlamenti Evropian do të miratojë qëndrim mbi ecurinë e bisedimeve me kërkesa konkrete, edhe Parlamenti Bullgar, bashkë me Ministrinë e Ekonomisë, mund të hartojnë një qëndrim për këtë ku Bullgaria shoh problemet, çfarë duhet të marrë në konsideratë ekipi negociator i BE e kështu me radhë. Në këtë mënyrë do të fitohet edhe përkrahja e opozitës në qoftë se duhet të mbrohet interesi bullgar.”
“Në të vërtetet debati është i nevojshëm dhe unë gëzohem, se gjatë muajve të fundit ai është rivendosur – deklaroi Dijana Najdenova. Ka analiza dhe ato janë shumë. Prekin çështje konkrete. Shumë vende formuluan qëndrimet e tyre specifike, që ishin marrë në konsideratë që në etapën e marrjes së mandatit nga ana e KE. Nuk mund të thuhet, se Bullgaria nuk ka pozitë. Nevojiten analiza. Ne kemi bërë analizë tregtare në fushën e shërbimeve, në sektor të veçantë - gjithashtu. Duhet të përgatisim marrëveshje të mundshme në sfera të caktuara. Deri në këtë moment është e qartë, se pas raundit të 9 të bisedimeve në Bruksel kemi shumë çështje të hapura.”
Përgatiti në shqip: Sofia Popova
Një nga sektorët kryesorë për sa i përket rritjes së pagave dhe interesit nga punëkërkuesit në Bullgari është ai i teknologjive të larta. E ndërsa para pandemisë punësoheshin specialistë të çdo lloji pavarësisht trajnimit dhe kualifikimit të tyre..
Për gjysmën e parë të vitit 2024, paratë për kreditë e shpejta janë mbi 3 miliardë euro (6.017 miliardë leva), sipas Bankës Kombëtare Bullgare (BNB). Për krahasim, në fund të qershorit 2023, kreditë e shpejta të dhëna ishin 2.5 miliardë euro (4.926..
Në periudhën janar-prill 2024 eksporti ynë kryesor i djathit dhe gjizës ishte në Greqi (882 ton, ose një rënie prej -48.6% krahasuar me të njëjtën periudhë të vitit 2023), Mbretëria e Bashkuar (871 ton, ose një rritje prej 22.1%) dhe SHBA (844 ton,..