Shkolla e parë kineze në Bullgari – tingëllon si ekzotikë, por sipas krijuesit e saj aktualisht përvetësimi i kësaj gjuhe lindore në botë po bëhet domosdoshmëri gjithnjë e më të madhe.
Këtë vjeshtë 60 fëmijë nga klasa e parë deri në klasën e dymbëdhjetë do të fillojnë të frekuentojnë shkollën e re. Janë parashikuar gjithashtu grupe përgatitëse për fëmijët e moshës 5 dhe 6 vjeç. Pse gjuha kineze është zgjedhur si profili kryesor i shkollës? Ja se çfarë tregoi Nikollaj Jallëmov, kryetar i fondacionit “Zahari Stojanov”, i cili bashkë me Universitetin e Sofjes “Shën Klement i Ohrit” është në bazë të projektit.
“Kinezishtja është shumë perspektive për realizimin e ardhshëm të nxënësve tonë. Kultura dhe gjuha kineze mund të na jenë shumë të dobishme. Aq më shumë se prania ekonomike kineze në shtet vazhdon të rritet. Në Bullgari ka disa shkolla shtetërore, në të cilat ka klasa me përvetësim intensiv të gjuhës kineze, por ambicia jonë është që të krijojmë shkollën e parë të tillë në sektorin privat. Natyrisht ajo nuk do të jetë gjuha e vetme e huaj – planifikojmë studimin e anglishtes si gjuhë e dytë e në të ardhmen do të ofrojnë edhe gjuha të tjera.”
Studimi në këtë shkollë do të zhvillohet me përkrahjen e fortë të institutit “Konfuci” pranë Universitetit të Sofjes. Ky është një institut për studimin e gjuhës dhe kulturës kineze. Nxënësit do të pranohen në shkollë pas një interviste me drejtorin e shkollës dhe me një psikolog.
“Përveç me Universitetin e Sofjes kemi marrëveshje edhe me institutin “Konfuci”, i cili do të na ofrojë falas të gjitha materialet studimore , tha Nikollaj Jallëmov. Gjatë vjeshtës tek ne do të vijë një pedagog kinez për të ndihmuar përvetësimin e gjuhës nga fëmijët. Përveç kësaj instituti “Konfuci”do të na ndihmojë me organizimin e vizitave të ardhshme të fëmijëve në Kinë. Prindërit do të duhet të paguajnë vetëm shpenzimet e udhëtimit me avion. Akomodimi dhe gjithçka tjetër do të mbulohet nga Kina. Çdo një fëmijë do të ketë mundësi të kalojë atje dy javë në vit.”
Shkolla do të bashkëpunojë me universitetin e qytetit Lanxhou – marrëveshja parashikon kushte të lehtësuara për pjesëmarrje në programet e tij gjuhësore. A ka interes ndaj shkollës së re?
“Kemi shumë pyetje, shumë prindër drejtohen tek ne, por mendoj se ata akoma hezitohen, sepse jemi një shkollë të re, shpjegoi Nikollaj Jallëmovi. Pavarësisht nga kjo ka interes ndaj strategjisë sonë për studim të përforcuar të kinezishtes. Nuk mund të them se ka ndonjë interes nga ana e komunitetit kinez tek ne. Ndoshta do të ketë një të tillë pas një apo dy vjet, kur modeli ynë do të provojë efikasitetin e vet.”
Aktualisht tek ne rreth 2 mijë fëmijë studiojnë kinezishten në shkolla. Një pjesë prej tyre dëshirojnë të vazhdojnë studimin tyre në Kinë. Gjatë viteve të fundit shteti i madh aziatik është tërheqës për të rinjtë nga tërë bota. Më se 300 mijë të huaj studiojnë në universitete kineze. Një nga shkaqet kryesore për këtë është se ekonomia kineze ka nevojë për specialistë që kanë mbaruar arsimin e tyre në vend dhe njohin kulturën dhe ambientin për biznes atje. Të rinjtë bullgarë gjithashtu mund të bëhen pjesë të këtij procesi.
Përgatiti në shqip: Jordanka Ivanova
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë në shtëpi”. Projekti, i cili po realizohet nën patronazhin e nëndëspresidentit, përfshin kërkime..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të tillë janë shkalla e ulët e suksesit në shkollë, shpërqendrimi i nxënësve dhe mbi të gjitha pasojat e..
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von der Leyen ngarkoi ish-guvernatorin e Bankës Qendrore Evropiane dhe ish-kryeministrin italian Mario..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..