Një pjesë nga Ballkani priti Krishtlindjen

Të krishterët ortodoks nga Bullgaria,Greqia dhe Rumania shënuan festën e Krishtlindjes më 25 dhjetor. Në Ekzarkinë Bullgare në Stamboll, Turqi, diaspora e krishterë bullgare u mblodh për shërbesën festive në kishën “Shën Joan Rilski”. Pas shërbesës fetare lidhur me Lindjen e Krishtit qe organizuar një festë për fëmijët nga bashkësia bullgare. Festa vazhdoi me muzikë dhe valle. Katolikët në Ballkanin Perëndimor po kështu e pritën Krishtlindjen më 25 dhjetor, në ndryshim nga ortodoksët në Serbi, Maqedoni, Bosnjë dhe Hercegovinë dhe Malin e Zi, të cilët do ta festojnë festën e ndritshme të krishterë më 7 janar.

Gjeorgje Ivanov: Bullgaria dhe Maqedonia kanë alternativë, veçse të bahskëpunojnë njëra me tjetrën

Presidenti maqedonas Gjeorgje Ivanov deklaroi se, Bullgaria dhe Maqedonia janë vende fqinje dhe si të tilla nuk kanë mundësi tjetër, veçse të bahskëpunojnë njëra me tjetrën. Në fjalimin e tij vjetor në parlament ai shënoi se, Traktati i firmosur gjatë muajit gusht për fqinjësi të mirë midis të dyja vendeve është rezultat i kompromiseve të shumta, të cilat nuk mund të kënaqin të gjithë. “Që të mund të arrihet qëllimi, kjo marrëveshje duhet të shikohet nga pikëpamja e së ardhmes dhe jo nga e kaluara”, tha Ivanov dhe apeloi që qeveritë e Maqedonisë dhe të Bullgarisë të kontribuojnë për arritjen e qëllimit të traktatit.

Sem Fabriçi: Dera e Bashkimit Evropian është e hapur për Serbinë

Shefi i delegacionit të Bashkimit Evropian për Serbinë Sem Fabriçi ripohoi se, dyert e Brukselit janë të hapura për Beogradin dhe vuri në dukje se, 6 muajt e ardhshëm/ në të cilat Bullgaria do të marrë presidencën e radhës të Këshillit të Bashkimit Evropian/ janë një mundësi e veçantë dhe shans të bëhet një hap i madh përpara në procesin e zgjerimit të Bashkimit në regjionin e Ballkanit Perëndimor, si dhe për garantimin e realizimit të këtij procesi.

Privatizimi i portit në Selanik përparoi mjaft

Qeveria greke ka firmosur marrëveshje për shitjen e aksioneve të shumicës nga porti në Selanik. 67% nga aksionet u janë shitur një konsorciumi, në të cilin hyjnë kompani nga Kina, Franca, Gjermania dhe Greqia. Marrëveshja është për 1,1 miliardë euro. Në të janë përfshirë dhe 180 milionë euro investime për zhvillimin e portit gjatë 7 vjetëve në vijim. Miratimi i marrëveshjes nga parlamenti grek është në pritje. Rikujtojmë se, kompania kineze është investitori bazë në portin grek Pire, por realisht aty bëhet fjalë për koncesion.

Amerika do të ndërtojë një Termocentral në Kosovë

Kosova nënshkroi marrëveshje me kompaninë amerikane ContourGlobal për ndërtimin e termocentralit prej 500 megavatesh me qymyr, i cili do të mund të sigurojë pavarësinë energjetike të shtetit ballkanik. "Ky projekt do të jetë investimi më i madh i huaj në historinë e Kosovës”, tha gjatë nënshkrimit ambasadori amerikan në Prishtinë Greg Dilauai. ContourGlobal do të sigurojë 30% nga mjetet për ndërtimin e termocentralit “Kosova e Re”, vlera e të cilit do të jetë rreth 1,3 miliardë euro. Termocentrali do të zëvendësojë termocentralin e ndërtuar përpara dekadave të tëra "Kosova" dhe do të sigurojë pothuajse gjysmën e energjisë elektrike, të konsumuar në Kosovë. Qëllimi është pakësimi i varësisë nga “çmimet e paparashikuara energjetike në tregun regjional”, sipas një deklarate të qeverisë. Ambasadori Dilauai shënoi se, sigurimi energjetik është një “pengesë e madhe” përpara rritjes ekonomike në një nga pjesët më të varfra të Evropës.

Në Turqi arrestuan 12 veta për atentate të planifikuara për Vitin e Ri

Forcat turke të sigurisë kanë arrestuar 12 anëtarë të supozuar të grupazhit radikal “Shteti islamik” të cilët kanë planifikuar të kryejnë atentate terroriste natën e vitit të Ri, njoftoi gazeta Daily Sabah. Sipas një burimi anonim nga organet e rendit publik, policia antiterroriste ka kryer disa aksione terroriste në disa adresa në Adana. Kurse mes të arrestuarve ka dy sirianë. Terroristët e supozuar kanë planifikuar të kryejnë sulme me mjete transporti dhe armë të ftohta. Sipas burimit, ata kanë grumbulluar dhe pasues për radhët e një grupimi radikal në Siri.

Përpiloi: Miglena Ivanova
Përgatiti në shqip: Nataniela Vasileva