Aleksandër Vuçiç: Serbia është në rrugën drejt Evropës, por i ruajmë marrëdhëniet e mira me Rusinë
Serbia shikon tek Evropa, mirëpo vazhdon politikën e saj të fqinjësisë së mirë dhe të mirëkuptimit me Federatën Ruse, pavarësisht nga presioni që ushtrohet mbi të, tha Presidenti Aleksandër Vuçiç pas takimit të tij me Sergej Lavrov. Ministri i jashtëm i Rusisë vizitoi Serbinë me rastin e përvjetorit të 180-të nga vendosja e marrëdhënieve diplomatike ndërmjet dy shteteve. Vuçiç nënvizoi se Serbia s’ka ndërmend të solidarizohet me sanksionet evropiane kundër Moskës, sepse Rusia kurrë nuk ka vepruar kundër interesave të Serbisë.
Minatorë rumunë protestojnë për të kërkuar paga më të mira
80 minatorë rumunë po ndodhen nën tokën për të protestuar në minierën e kripës “Slanik” në rajonin jugor Prahova, kurse 100 kolegët e tyre mbi tokën i përkrahin. Sipas sindikatës së minatorëve punëtorët marrin paga minimale dhe punojnë duke rrezikuar jetën e tyre çdo ditë. Kushtet për punë janë të këqija, sepse pajiset në minierë janë amortizuar – 40 vjet me radhë nuk janë bërë rinovime. Puna do të mbetet e bllokuar derisa nuk propozohen variante për shpërblimin më të mirë të punës dhe për përmirësimin e kushteve të punës.
17 turq kërkojnë strehim në një ishull grek
Shtatëmbëdhjetë shtetas të Turqisë kanë mbërritur në ishullin grek Inuses (Oinousses) në Detin Egje, afër kufirit turk dhe sipas mediave vendase kanë kërkuar strehim politik. Sipas televizionit “Sky” në grup ka shtatë meshkuj, katër femra dhe shtatë fëmijë. Ata deklarojnë se kanë frikë nga persekutimi në Turqi për shkak të represioneve pas grusht shtetit të dështuar në vitin 2016. Pas tentativës për grushtin e shtetit kundër presidentit Erdogan qindra shtetas kanë larguar nga vendi i tyre në Greqi. Ndër azilkërkuesit janë tetë ushtarakët, të cilët akuzohen për tradhti në Turqi – rasti i tyre u bë arsye për tensionimin e marrëdhënieve mes dy fqinjave.
Shqipëria dhe fqinjët e saj mund të bëhen pjesë e BE-së pas 10 vjetësh, mendon Ministri Bushati
Ministri shqiptar i punëve të jashtme Ditmir Bushati beson se Shqipëria dhe fqinjët e saj mund të hyjnë në Bashkimin Evropian jo më vonë se 10 vjet. Në një intervistë për “Reuters” Bushati ka thënë se në Shqipëri investimet po shtohen, ka edhe investime nga Japonia, por për të procesi i integrimit evropian s’ka alternativë. Pyetjes se si e vlerëson ai shkallën e ndikimit të Rusisë, Turqisë dhe Kinës në regjion, ai i ka përgjigjur: “Ballkani Perëndimor po konsiderohet një tavolinë shahu nga pikëpamja e gjeopolitikës”.
Kosova: Dialogu me Serbinë duhet të përmbyllet me njohje të ndërsjellët
Dialogu me Serbinë duhet të përmbyllet me njohje të ndërsjellët , tha Kryeministri i Kosovës Ramush Haradinaj. Sipas tij Kosova tani është faktor i paqes dhe stabilitetit dhe është ajo shembullore me marrëdhëniet e saj të fqinjësisë së mirë. Në takimin zyrtar me senatorin amerikan Ron Johnson, në të cilin ishin të pranishëm Zëvendëskryeministri serb Dalibor Jevtiq dhe Ambasadori amerikan në Prishtinë Greg Delawie, janë diskutuar situata në Kosovë, zhvillimi ekonomik, sundimi i ligjit dhe përkrahja e SHBA-së. “Përkrahja e SHBA-ve është shumë e rëndësishme për ne. Kosova dhe populli i saj do të jetë përherë falënderues për ndihmën që SHBA-të dhe populli amerikan kanë dhënë në të gjitha periudhat”, ka thënë kryeministri Haradinaj. Johnson ka deklaruar se SHBA-ja do të vazhdojë të mbështetë zhvillimin ekonomik dhe demokratik të Kosovës.
Ivica Daçiç: Perëndimi të mos heshtë për deklarata të lidhura me Shqipërinë e Madhe
Ministri i jashtëm i Serbisë Ivica Daçiç shprehu indinjatën e tij për shkak të heshtjes së shteteve perëndimore në lidhje me deklaratën e Kryeministrit të Shqipërisë Edi Rama. Në komentin e tij të bërë për TANJUG Daçiç tha se “Perëndimi e fsheh kokën në rërë”. Me rastin e përvjetorit të 10-të të Pavarësisë së Republikës së Kosovës Edi Rama lancoi idenë për një politikë të përbashkët të Shqipërisë dhe Kosovës dhe bile foli për mundësinë për një president të përbashkët. Më vonë lidhur me komentet e shumta pas fjalimit të tij, kryeministri shqiptar tha se ideja për president të përbashkët “është shkëputur krejt nga konteksti”.
Përpiloi: Miglena Ivanova
Përgatiti në shqip: Jordanka Ivanova
105 vjet më parë, më 27 nëntor 1919, në periferinë e Parisit, Neuilly-sur-Seine, u nënshkrua një traktat që i dha fund zyrtarisht pjesëmarrjes së Bullgarisë në Luftën e Parë Botërore (1914-1918). Historianët e përkufizojnë dokumentin si "katastrofa e radhës..
Uzurpimi i trashëgimisë kulturore dhe historike ka qenë dhe vazhdon të jetë një nga pasojat e shumta të pashmangshme të çdo konflikti ushtarak si në të shkuarën, ashtu edhe në ditët e sotme. Deri në përfundim të luftës në Ukrainë, është e pamundur të..
Instituti për Shkenca Kompjuterike, Inteligjencë Artificiale dhe Teknologji (INSAIT) pranë Universitetit të Sofjes “Shën Kliment Ohridski" vuri në dispozicion për përdorim falas Chat aplikacionin BgGPT me inteligjencë artificiale të gjeneratës së..
Ekipi i shkollës së mesme të dytë angleze në Sofje “Thomas Xhefersën” fitoi Konkursin e Gjashtë Evropian të Drejtësisë për nxënës, i cili u mbajt në..
Qendra Kombëtare për Kërkime Polare dhe Instituti Bullgar i Antarktidës organizojnë një takim ndërkombëtar me rastin e Ditës së Antarktidës. Më 3..
Lidhur me miratimin të mërkurën e kaluar të përbërjes së re të Komisionit Evropian, i cili zyrtarisht mori detyrën para disa ditësh, iu kushtua më pak..