Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pritet festivali i parë në të hapur “Arti dhe reklama”

Pika e kryqëzimit midis artit dhe reklamës i shkatërron barrierat në komunikacion

БНР Новини
Foto: artofadvertising.net

Bota sot lëviz përpara e udhëhequr nga teknologjitë digjitale dhe informative, kurse komunikimi luan rol kyç në zhvillimin dhe suksesin e çdo një veprimtarie. Prandaj një festival i ri bullgar do të kërkojë pikën e kryqëzimit midis reklamës dhe artit në një mënyrë atraktive dhe interaktive.

Festivali i parë në të hapur “Arti dhe Reklama” do të takojë studentë nga Fakulteti i Gazetarisë dhe Komunikacioneve pranë Universitetit të Sofjes “Shën Klementi i Ohrit “ dhe nga Akademia Kombëtare e Arteve Figurative në Kopshtin e Qytetit në Sofje më 23 dhe 24 qershor. Ata do të punojnë mbi tema të shpallura paraprakisht nga kompani të ndryshme dhe do të krijojnë komunikacion vizual para kalimtarëve dhe vizituesve të forumit. Studentët do të punojnë në ekipe, kurse qëllimi është që t’i kombinojnë dituritë dhe aftësitë e tyre në sfera të ndryshme në një proces të përbashkët pune. Në Bullgari firmat shpeshherë ankohen nga mungesa e lidhjes adekuate midis arsimit dhe biznesit, kurse festivali ka qëllim të jetë urë midis specialistëve të ardhshëm dhe kompanive.

“Mendoj se festivali është një pikë kryqëzimi, e cila do të na orientojë se si studentët mund ta përdorin potencialin e vet, tha kryeasistenti Nikolla Vangellov, pedagog i reklamës në Fakultetin e Gazetarisë pranë Universitetit të Sofjes dhe organizator i aktivitetit. Studentët do të njihen me procesin e punës dhe do të punojnë me kompani reale, si bullgare, ashtu dhe të huaja. Në këto ekipe pune lind diçka e re dhe interesante, siç ndodh në degët e reklamës. Çdo një lloj komunikimi duhet të jetë orientuar mirë, që të funksiojë. Një reklamë, e cila punon në tregun amerikan, mund të mos jetë e suksesshme në atë bullgar për shkak të faktorëve të ndryshëm, si për shembull dallimet interkulturore. Konsumatorët thonë se çfarë duhet të jetë reklama, kurse reklamuesit duhet të përgatisin një komunikacion të suksesshëm marketingu. Reklama është një lloj komunikimi, e cila kudo në botë varet nga konsumatori. Në sferën e reklamës Bullgaria nuk mbetet prapa në asnjë mënyrë nga liderët botëror. Në vendin tonë punojnë dhe shumë prej kompanive botërore.”

Sipas Nikolla Vangellovit reklama mund të jetë art dhe e kundërta, kurse pika e kryqëzimit midis të dyve i asgjëson barrierat – si në komunikacion, ashtu dhe në punën e përbashkët të njerëzve nga sfera të ndryshme profesionale, midis reklamuesve dhe konsumatorëve.

“Arti dhe Reklama” është pjesë e kalendarit kulturor të Bashkisë së Kryeqytteit dhe është nën patronazhin e Kryetares së Bashkisë së Sofjes Jordanka Fandëkova. Veprat më të mira do të dallohen, kurse festivali është i hapur për të gjithë – është parashikuar një program interesant krahas festivalit, program ky i cili do të jetë atraktiv madje për fëmijët.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

“Shpirti i akuarelit” – ekspozitë e larmishme e artistëve nga 51 shtete mysafire në Varna

Ekspozita me pjesëmarrjen e mbi 350 piktorëve nga 51 shtete u hap në kryeqytetin tonë bregdetar. Ajo është pjesë nga edicioni i katërt i Trienales Ndërkombëtare “Shpirti i Akuarelit” dhe është e vendosur në Galerinë e Arteve Pamore “Boris Georgiev” në..

botuar më 25-07-05 8.00.PD
Foto: Ambasada e Kosovës në Republikën e Bullgarisë

“Këndi i Kosovës” pasuron Bibliotekën Kombëtare në Sofje

Në Bibliotekën Kombëtare “Shën Kirill dhe Metodij” në Sofje u hap “Këndi i Kosovës”. Me këtë, këndet e dedikuara letërsive të ndryshme kombëtare në sallën “Historia e librit” bëhen gjithsej 36. Ideja është pjesë e një vizioni afatgjatë e lidhur..

botuar më 25-07-01 3.45.MD

Për herë të parë në "Pallatin" në Ballçik - një festival muzike dhome

Kur vizitoi Ballçikun në vitin 1921, Mbretëresha rumune Maria u mahnit nga bukuria e zonës dhe shpejt vendosi të kthehej dhe të qëndronte. Në vitin 1924, filloi ndërtimi i një kompleksi pallatesh për mbretëreshën. Projekti ishte nga arkitektë italianë..

botuar më 25-06-29 2.30.MD