Rendimenti i mjaltës gjatë vitit 2018 në vend mesatarisht  është ulur me rreth 60%, njoftoi për Radion Kombëtare Bullgare Nikollaj Kumenov, kryetar i Federatës të bletërritësve bullgarë. Si shkak  për uljen ai vuri në dukje reshjet e vazhdueshme gjatë vitit. Një shkak tjetër është rritja drastike e vdekshmërisë së bletëve. Sipas fjalëve të tij kjo ka ndodhur për shkak të përdorimit të pesticideve nga fermerët, të ndaluar në Bashkimin Evropian. Në qoftë se gjatë viteve të kaluara Bullgaria ka eksportuar rreth 12-15 mijë tonë mjaltë, tani eksporti do të jetë rreth 7-8 mijë tonë, vuri në dukje Kumenov. Në një deklaratë bletërritësit  këmbëngulin  për ndihmë nga ana e shtetit me përmasë 60 euro në vit për një familje bletësh, për kriminalizimin e kulturave agrare të trajtuara në mënyrë të parregullt. Përveç kësaj shteti duhet të ndjekë për importin ilegal të pesticideve të ndaluara në Bullgari.