Qyteti Veliko Tërnovo të hënën është mikpritësi i festimeve të lidhura me përvjetorin e 140-të të miratimit të Kushtetutës së Veliko Tërnovos (Kushtetuta e parë e Bullgarisë nga 16 prilli 1879). Sonte në muzeun “Rilindja dhe Kuvendi Kombëtar i Veliko Tërnovos” një seancë të hapur solemne zhvilloi Gjykata Kushtetuese. Në ndërtesën, në të cilën para 140 vjetëve është miratuar Ligji i parë kryesor, para gjyqtarëve të Gjykatës Kushtetuese foli Presidenti i shtetit Rumen Radev. Ai tha se Kushtetuta e Tërnovos ka forcuar themelet e shtetit bullgar. “Në qendrën e këtij ligji është personaliteti dhe ne duhet të mbrojmë interesat e popullit, njeriut dhe lirisë” – nënvizoi Rumen Radev në fjalimin e vet, duke shprehur bindjen e tij se shoqëria jonë sot është gati të zhvillojë diskutime të kuptimplota, të cilat mund t’u japin përgjigje sfidave të kohës sonë”.