Komisioni Evropian i ka dërguar letra Sofjes, duke insistuar se marrëveshjet me termocentralet amerikane janë lidhur në mënyrë që të ofrojnë një lloj ndihme shtetërore. Për këtë arsye shteti duhet të zbatojë detyrimet e tij dhe ta përfundojë këtë praktikë, duke filluar me negociata me investitorët, deklaroi përfaqësuesi i Komisionit parlamentar për çështjet e energjetikës Valentin Nikollov. Ministria e financave ka konstatuar se ka ndihmë shtetërore edhe në rastin me termocentralin “AES Galabovo”, por me këtë investitor tashmë zhvillohen negociata për kompensime. Për termocentralin “Contur Global Maritsa East 3” ka të dhëna se termocentrali tashmë ka paguar investimin e vet paraprakisht, shpjegoi Nikollov. Tani e tutje procedura do të jetë lidhur me përfundimin e marrëveshjes – me unanim të të dyja palëve apo në mënyrë të njëanshme, që mund të çojë në kompensime dhe arbitrazh, komenton deputeti.