197 të diplomuarit e vitit 2019 morën diplomat e tyre në Ceremoninë solemne të Diplomimit në Universitetin Amerikan në qytetin Bllagoevgrad (Bullgari Jugperëndimore). Ceremonia u çel nga presidenti i Universitetit Amerikan dr. Steven Sullivan. Të diplomuarit ishin përshëndetur nga Presidenti i Bullgarisë Rumen Radev. Posaçërisht me rastin e ceremonisë në Bullgari erdhi dhe Julia Watkins – Presidente Emeritus e Universitetit (1993-2003). Në fjalinë e saj ajo nënvizoi atë që është arritur në Universitetin Amerikan të Bullgarasë gjatë këtyre pothuaj 3 dekadave që nga themelimi deri më sot.

Ministri i Zhvillimit Ekonomik i Kosovës z.Valdrin Lluka ishte i ftuari i veçantë në cilësinë e ish-studentit të Universitetit Amerikan, si një “histori suksesi” e këtij Universiteti, për ta bërë fjalimin e diplomimit. Akoma një “histori e suksesit ishte treguar” në ceremoninë e së dielës – ajo e shqiptarit të diplomuar në vitin 1996 Elvin Guri, i cili është sipërmarrës i dalluar me biznes të madh në Bullgari. Ai u dekorua për shkak të mbështetjes së tij të dhënë për qindra studentë dhe përpjekjet për ta bërë botën një vend më të mirë. Në ceremoni ishin të pranishëm ambasadorët e Republikës së Shqipërisë dhe të Republikës së Kosovës – znj. Donika Hoxha dhe z. Edon Cana.