Kryeministri po ndodhet në Turkmenistan, ku merr pjesë në Forumin e parë Ekonomik Kaspik. Borisovi do të bisedojë me homologun e tij Dmitrij Medvedev për transitin e gazit turkmen për Bullgarinë përmes territorit rus. Sipas Borisovit nuk është e mundshme që të përdoret kapaciteti i plotë i qendrës shpërndarëse të gazit “Ballkan” (e cila akoma ndodhet në fazë planifikimi) pa gazsjellësit rusë. Turkmenistani është vendi i tretë në botë për nga rezervat e gazit dhe naftës , por për arsye ekologjike në Detin Kaspik nuk mund të ndërtohen gazsjellës. Për këtë arsye do të kërkohen mundësi për përdorimin e shërbimeve të palave të treta për furnizimin e gazit nga Turkmenistani deri në qendrën e shpërndarjes së gazit “Ballkan”. Në forum Bullgaria dhe Turkmenistani nënshkruan 4 marrëveshje për bashkëpunim në përputhje të të cilave në Sofje dhe në Ashgabad të dy vendet do të hapin përfaqësi të tyre tregtare.