Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dita e parë shkollore përqendron vëmendjen te sistemi i arsimit

Foto: BGNES

Çdo një prej nesh ruan kujtime të shtrenjta nga dita e parë shkollore. Pritja për takimin me mësuesin në klasën e parë, me miqtë dhe bashkënxënësit në shkollë mban emocione shumë pozitive. 15 shtatori është data zyrtare e hapjes së vitit shkollor në Bullgari. Mirëpo, sivjet mesi i shtatorit ra ditën e diel, prandaj nxënësit bullgarë e shkelin pragun e shkollës më 16 shtator (ditën e hënë). Festat e organizuara në çdo shkollë në pritje të nxënësve më të vegjël i sjellin emocionet më të këndshme. Atmosfera është festive, ndërsa dhomat e klasës janë plot buqete lulesh nga nxënësit për mësuesit. Mirëpo, muzika dhe fanfarat rreth ditës së parë shkollore së shpejti do të harrohen dhe në vend të tyre do të shtrihet debati i dhimbshëm për reformën në arsimin bullgar. Sipas traditës ai fillon me temën për vëllimin dhe peshën e librave mësimorë, të cilët janë tepër të rëndë për kurrizët e nxënësve të vegjël. Një prej zgjidhjeve të këtij problemi parashikon qëlibrat të shtypen në një letër më të lehtëdhe të vendosen në dollapë në shkollë. Në debat shtrohet logjikshëm edhe tema e maturave pas klasës së 7 dhe klasës së 12 dhe për vlerësimin e njohurive të nxënësve nga komisioni i jashtëm, vlerësim ky i cili nga ky vit do të zhvillohet jo vetëm në klasën e katërt, por edhe për nxënësit e klasës së dhjetë. Përshtypja e përbashkët është se shkolla bullgare po ndryshon, edhe pse me tempe të ngadalta.

Qendra e ndryshimit është mësuesi bullgar, i cili gjatë të gjitha këtyre viteve jo një herë ka treguar se është intelektual dhe humanist me ndërgjegje të zgjuar dhe mënyrë progresive të të menduarit. Prandaj sot jemi dëshmitarë të rikthimit të respektit ndaj mësuesve të mirë, ndërsa puna e tyre vlerësohet gjithnjë e më lart edhe nga pikëpamja morale edhe nga ajo materiale. Programi “Mësues të motivuar” inkurajon financiarisht mësuesit, të cilët kanë dëshirë të punojnë në shkollat në rajonet problematike, përfshi këtu dhe punën me nxënës me rezultate të pakënaqshme në shkollë, ose me status të ulët social.

“Ende bullgari preferon të investojë në arsimin e fëmijëve të tij dhe ka respekt ndaj shkollës” – tha para Radios Kombëtare Bullgare Sëbka Popova, kryeeksperte në Administratën Regjionale të Arsimit – Sofje. Ajo e vuri theksin te puna e shkollave inovative, gjithsej 395 në tërë vendin. Kjo do të thotë se çdo një shkollë e pestë në vend e ka aplikuar arsimin inovativ. “Çdo shkollë e ka specifikën e vet, prandaj edhe paleta e inovacioneve është shumë e pasur”, thotë Sëbka Popova dhe shton se ka shumë shkolla te ne, të cilat punojnë me më shumë se një inovacion. “Ato përpunojnë programe, në të cilat integrojnë përmbajtjen shkollore të dy ose më shumë lëndëve mësimore. Përpunojnë metodika të reja të arsimit, me ndihmën e të cilave nxënësit do të mësojnë më lehtë bullgarishten, anglishten, ose kroatishten për shembull. Në inovacione të tjera theksi vihet te mësimi i matematikës, ose i shkencave natyrore për shembull. Disa të tjera kanë qëllim të ndihmojnë arsimin civil të nxënësve, pasurimin e diturive të tyre për zakonet bullgare dhe folklorin tonë. Në përgjithësi të gjitha inovacionet synojnë të rritin motivacionin e fëmijëve në shkollë, të kontribuojnë për zhvillimin e të menduarit dhe për formimin e pozitës së tyre si qytetarë. Punohet për formimin e nxënësve si personalitete, të cilat në dinamikën e kohës së sotme të jenë të gatshëm të përballojnë çdo një sfidë dhe në të njëjtën kohë t’i zgjidhin vetë detyrat e vëna” – nënvizoi Sëbka Popova.

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Shkaba egjiptiane

Një shkabë egjiptiane është helmuar pranë Krumovgradit

Një shkabë egjiptiane e ngordhur është gjetur pranë fshatit Hrastovo, në afërsi të qytetit Krumovgrad, njoftoi zyra e shtypit e Drejtorisë Rajonale të MPB në Kërxhali. Nga shpendi, i cili është një specie e mbrojtur, janë marrë mostra për analizë...

botuar më 25-08-04 6.48.MD

57 000 pensionistë të moshuar punojnë me kontratë në sektorin shtetëror

225 788 bullgarë me pension për shërbimin dhe moshën vazhdojnë të punojnë për të fituar të ardhura shtesë. Nëse u shtohen pensionistë me lloje të tjera pensionesh, numri i tyre i përgjithshëm tejkalon 350 000 persona, ose mbi 17.5 përqind të..

botuar më 25-08-04 12.28.MD
Foto: Shoqata e Ekipit Olimpik në Shkencat Natyrore

Nxënësit bullgarë fituan medalje ari dhe argjendi në Olimpiadën e Informatikës

Nxënësit bullgarë fituan dy medalje ari dhe dy argjendi në garën më prestigjioze globale të shkencave kompjuterike në botë. Në edicionin e 37-të të Olimpiadës, e cila u mbajt në Bolivi nga 27 korriku deri më 3 gusht, morën pjesë 330 konkurrentë nga 86..

botuar më 25-08-04 9.21.PD