Nuk ka pasur arsye teknike për ndërprerjen e transmetimit të programit qendror të Radios Kombëtare Bullgare “Horizont” më 13 shtator nga ora 06.00 deri më 11.00. Ky është përfundimi i hetimit të Prokurorisë të bërë me urdhër të Prokurorit të Përgjithshëm Sotir Cacarov. 

Kjo “heshtje” e BNR-së provokoi skandal të madh politik në Bullgari të lidhur me lirinë e shprehjes, sepse ndërprerja e transmetimit ishte bërë pasi gazetarja dhe drejtuese e emisionit të mëngjesit Silvija Velikova ishte detyruar të mos marrë pjesë në emision për shkak të pozitës së saj të shprehur në eter. Ajo është reportere, e cila e ndjek drejtpërsëdrejti sektorin e drejtësisë dhe është e njohur me qëndrimin e saj kritik kundër kandidatit për Kryeprokuror të ri të Bullgarisë Ivan Geshev.  

Radioja Kombëtare Bullgare është objekt strategjik me detyrë që në raste krizash t’i informojë qytetarët. Prandaj licenca e saj është për program 24 orësh. Çështja tashmë është në kompetencën e Prokurorisë së Qytetit të Sofjes, e cila duhet të shprehë vendimin e vet për këtë në se drejtori teknik i Radios Kombëtare Bullgare Pllamen Kostov ka kryer krim.