Këshilli Drejtues i Fondit Monetar Ndërkombëtar zgjodhi bullgaren Kristalina Georgieva për drejtoreshë të fondit. Mandati i Georgievës është i 12-ti që nga thelemimi i këtij institucioni financiar në vitin 1944 dhe fillon zyrtarisht më 1 tetor. Në deklaratën e saj pas zgjedhjes ajo tha se me prioritet do t'i ndihmojë shtetet në uljen e rrezikut të krizave të ardhshme dhe në përgatitjen sa më të mirë të vendeve për reagim në raste krizash.

Qëllimi afatgjatë i Fondit Monetar Ndërkombëtar nën udhëheqjen e saj do të jetë që të përkrahë politika të qëndrueshme monetare, financiare dhe strukturore për ndërtimin e ekonomive më të forta dhe për përmirësimin e jetës së njerëzve.

Për të ruajtur fuqinë financiare të Fondit Kristalina Georgieva do të forcojë përpjekjet për mbikëqyrje dhe për zhvillimin e kapacitetit të tij.