Bullgari është më tepër konservator dhe jo njeri i ekstremeve

botuar më 19-09-27 4.49.MD

Foto: arkiv

Në fillim të fushatës paraelektorale për zgjedhjet vendore më 27 tetor tema për qëndrimet e qytetarëve bullgarë ndaj ngjarjeve në shoqëri është ndër më aktualet. Bullgari ka qëndrime më tepër konservatore, tregon një studim i Institutit për Studimet Sociale “Ivan Haxhijski” dhe i agjencisë sociologjike “Gallup”. Reaksioni konservator ndaj ngjarjeve te ne e ka shpjegimin e vet, sipas politologut Përvan Simeonov:

“Sikurse shoqëritë në botën perëndimore kanë afinitet ndaj traditës, kombit, fesë, votojnë për njerëz, të cilët flasin në këtë mënyrë dhe preferojnë sigurinë. “Ne Nga “Gallup” bëmë një studim mjaftë provokues, që tregon se në përgjithësi bullgari gjithashtu ka më tepër instinkte konservatore, pa u arritur në ekstreme. Ne, bullgarët, jemi një shoqëri e arsyeshme, jemi tepër realë. Në të njëjtën kohë në qoftë se arrihet në ekstreme shoqëria reagon me vëmendje dhe pa emocione të shumta" – thotë Simeonov. Ai mendon se është krijuar një shtresë pothuajse profesionale politike, ndërsa njerëzit korrektë janë jashtë saj dhe ka nevojë për debat për ndeshjen mes pikëpamjes konservatore dhe asaj liberale për të ardhmen. Kjo deri në një shkallë të madhe u detyrohet ndryshimeve të shkaktuara nga ambiciet e shteteve të mëdha, si Rusia dhe Kina, ose nga rreziqet e sulmeve të mundshme terroriste. Kjo e bën botën gjithnjë e më të pasigurt dhe i bën njerëzit që të politizohen, duke votuar në një mënyrë gjithnjë e më ekzotike. Po rikthehet elementi politik në politikë dhe ndarja kryesore në shoqëri “jo kaq në drejtimin “e majtë”-“e djathtë”, sepse ato të dyja tashmë nuk janë kaq të ndryshme. Aktualisht ndarja është më tepër për nga njerëzit, të cilët do të marrin vendime se si të ndryshojmë shoqërinë kështu qe të kemi të drejta gjithnjë e më të mëdha individuale dhe si t’u sigurojmë të drejta bashkësive të ndryshme dhe të dobëta dhe të bëhemi më liberalë. Në polin tjetër janë njerëzit, të cilët do të thonë se kisha, tradita dhe morali janë gjërat e rëndësishme.

Nga ana e vet sociologu Andrej Rajçev mbron pikëpamjen futuriste ndaj problemit, duke e përqendruar vëmendjen te një e ardhme më e largët:

“Vetëvendosja është një liri e madhe. Së shpejti do të ndahemi në shtresa të ndryshme. Njerëzit e njërës shtresë do të jenë shumë të mençur të lidhur me të gjitha bazat e të dhënave, ndërsa të tjerët nuk do të jenë. / ... / Shansi ynë i vetëm në këtë kuptim është arritja e një konsensusi të përbashkët.” Në një fjalim të vet në kuadrin e debatit kushtuar temës në fjalë në Sofje Rajçev u solidarizua me mendimin e Petër Nikollovit, që u shpreh në një libër të tij për konservatorizmin. Atje shkruan se konservatorët janë ata, të cilët i humbasin të gjitha betejat. Megjithatë ata gjithmonë kanë ekzistuar dhe do të vazhdojnë të ekzistojnë si opozitë e ndryshimeve.

Antropologu Haralan Aleksandrov e cakton identitetin si triumf të idesë së vetëvendosjes, e cila tashmë është fakt.

Foto: arkiv, BGNES

Përgatiti në shqip: Vesella Mançeva

Последвайте ни и в Google News Showcase, за да научите най-важното от деня!

Ndaje

Bullgari është më tepër konservator dhe jo njeri i ekstremeve

Më shumë nga rubrika

Banorët dhe vizitorët e Burgasit do të ndjekin një shfaqje ajrore nën tingujt e hiteve të viteve ’90

Instituti INSAIT në Sofje është bashkëorganizator i një konkursi në SHBA për inteligjencën artificiale

Në dyqanin bullgar në lagjen Schaerbeek të Brukselit

Një hap përpara drejt programit për të ndihmuar ata që dëshirojnë të vendosen në Bullgari

Marshimi me “Kambanën e Paqes” kalon nëpër Bullgari në rrugën për në Jerusalem

“Gjuetari i vërtetë është ai që i ka dhënë më shumë natyrës, sesa ka marrë prej saj”, kujton kryetari i unionit të gjuetarëve dhe peshkatarëve