Më 19 tetor Bullgaria ortodokse shënon nderin e mbrojtësit të saj qiellor Shën Ivan Rillski /876-946/.

Deri në moshën 25 vjeç ai ka qenë bari i zakonshëm.Ka hedhur poshtë qëllimin për pasuri, ndërsa lakmia dhe zilia sipas tij kanë qenë veset më të mëdha, të cilat i kanë penguar njerëzit në rrugën e lartësimit të shpirtit. Ka jetuar në kohën e mbretit bullgar Petër I dhe në fundin e jetës së tij ka themeluar një prej manastireve më të respektuara nga të gjithë bullgarët – Manastirin e malit Rilla.

Jeta e tij ka kaluar në një periudhë tepër të vështirë për njerëzit, në kushtet e pabarazisë sociale për shkak të sistemit të zhvilluar feudal. Vetë mbreti Petër ka treguar respektin e vet të madh ndaj shenjtorit, duke ndërmarrë udhëtimin e gjatë nga kryeqyteti i atëhershëm i Bullgarisë – Veliki Presllav, deri në malin Rilla, për ta parë shenjtorin dhe për t’i dëgjuar fjalët e tij të urtë. Sot lipsanët e Ivan Rillskit ruhen në Manastirin e Rillës.

19 tetor është gjithashtu dita e mjekëve bullgarë dhe festa e Seminarit të Sofjes “Shën Joan i Rillës”.