Dekoret natyrale, të përdorura gjatë xhirimit të një sërë filmave të njohur bullgarë në qytetin Veliko Tërnovo në Bullgarinë Veriore, do të shënohen me tabela informative, kurse turistët do të mund të shikojnë fotografi të skenës nga filmi konkret, e cila është xhiruar në vendin përkatës. Ideja është e Muzeut Historik Regjional në qytetin Veliko Tërnovo.

Pritet që atraksioni më i ri turistik në kryeqytetin e vjetër të bëhet fakt mot. Kryeqyteti i vjetër bullgar Tërnovo është një hapësirë e preferuar për xhirimin e filmave jo vetëm për kinemanë bullgare, por dhe për prodhimet e huaja. Sipas informacioneve jozyrtare në qytet dhe përreth janë xhiruar rreth 50 filma. Mes filmave më emblematikë bullgarë janë “Vjedhësi i pjeshkave”, “Dasmat e Joan Asenit të Dytë”, “Kapiteni Petko Vojvoda” e të tjerë.