Sipas të dhënave zyrtare të Komisionit Qendror të Zgjedhjeve pas përpunimit të informacionit të ardhur nga të gjitha pikat e votimit, në raundin e dytë të zgjedhjeve lokale të zhvilluar dje në Bullgari, partia në pushtet GERB ka fituar garën për kryetarë të bashkive në 9 qytete të mëdha, të cilat janë qendra të qarqeve, Partia Socialiste Bullgare ka fituar në 3, kurse kandidatë të pavarur – në 6.

Në të dyja raundet partia qeverisëse fitoi në 15 qendra të qarqeve me kandidatë të vet dhe në dy të tjerë (Kjustendill dhe Montana) me kandidatë të pavarur, të përkrahur nga GERB-i. Para katër vjetësh rezultati i tij ishte akoma më i mirë, sepse atëherë GERB-i fitoi në 21 qytete-qendra të qarqeve me kandidatë të vet.

Sivjet Partia Socialiste Bullgare arriti fitore në katër prej qyteteve të mëdha – Ruse, Pernik, Razgrad dhe Bllagoevgrad. Fituesja në kryeqytet është Jordanka Fandëkova (GERB) me 49.98% kundër Maja Manollova (kandidate e pavarur e përkrahur nga socialistët) me 45.13% të votave.