“Bullgaria është një destinim atraktiv për investime dhe tregti dhe një partner i sigurt në tregun që po zgjerohet gjithnjë e më shumë.” Këtë e deklaroi Kryeministri bullgar Bojko Borisov gjatë takimit të tij me Jean Asselborn – Ministër i Punëve të Jashtme dhe i Çështjeve Evropiane dhe Ministër i Migracionit dhe Strehimit i Dukatës së Madhe të Luksemburgut. Kryeministri bullgar dhe Ministri i Jashtëm i Luksemburgut shqyrtuan marrëdhëniet konstruktive dypalëshe, të cilat mbështeten te vlerat e përbashkëta, partneriteti në NATO dhe në BE, si dhe potenciali i mirë për zhvillimin e tyre. Borisov dhe Asselborn shprehën dëshirë për aktivizimin e dialogut politik në të gjitha nivelet mbi çështjet me interes reciprok për dy vendet tona. Një shembull i tillë janë marrëdhëniet ekonomiko-tregtare me fokus bashkëpunimin në fushën e investimeve, tregtisë dhe turizmit.