Kryeministri i Maqedonisë së Veriut Zoran Zaev planifikon që pas Vitit të Ri të vizitojë Bullgarinë dhe të takohet me homologun e tij Bojko Borisov. Qëllimi i vizitës do të jetë të ndihmojë punën e komisionit të përbashkët të ekspertëve krijuar në përputhje me Marrëveshjen për Miqësi, Fqinjësi të Mirë dhe Bashkëpunim midis Bullgarisë dhe Maqedonisë së Veriut. Qëllimi i komisionit është të sqarohen çështje historike dhe arsimore, të cilat ngjallin mosmarrëveshje midis dy vendeve. Nga qeveria maqedonase saktësojnë, se zoti Zaev nuk do të vijë si kryeministër por si politik, madje Maqedonia e Veriut do të hyjë në fushatë paraelektorale. Mundësia për një takim të tillë u diskutua gjatë takimit të të dy kryeministrave në bordin e aeroplanmbajtësit amerikan “Hari S.Truman” në kohën e një turneu në kuadrin e NATO-së.