Pas një takimi dy orësh që u zhvillua dje mes Kryeministrit Bojko Borisov dhe përfaqësuesve të infermiereve bullgare që protestojnë para godinës së qeverisë, sot Ministria e Punëve të Brendshme /MPB/, Drejtoria e Përgjithshme për Luftimin e Kriminalitetit të Organizuar dhe Policia Ekonomike fillojnë kontroll në të gjitha spitalet e vendit. Në takim Kryeministri ka premtuar kontroll nga ana e institucioneve të ndryshme në lidhje me pohimet e protestuesve për mashtrime në spitalet bullgare. Javën tjetër do të ketë takim të ri me infermieret, të cilat paralajmërojnë se po të ketë nevojë do të protestojnë përsëri para Këshillit të Ministrave.