Faleminderit shumë, për mua prania juaj ishte nder dhe kënaqësi, tha Presidenti i Egjiptit Abdel el-Sisi pas takimit të tij me Kryeministrin bullgar Bojko Borisov në bazën ushtarake “Bernis” në Detin e Kuq. Do të shihemi së shpejti në Bullgari, siç folëm, shtoi el-Sisi.

Avancimi i madh i kontakteve tona politike gjatë dy vjetëve të fundit do të sjellë cilësi të lartë në bashkëpunimin bilateral në të gjitha sferat, tha Borisovi gjatë bisedimeve të tij me mikpritësit. Borisovi nënvizoi se Bullgaria ka interes më të madh në bashkëpunimin në fushën e energjetikës, duke pasur parasysh burimet e gazit natyror, me të cilat disponon Egjipti, nga njëra anë, dhe nga ana tjetër – realizimin e shumë projekteve energjetike në Bullgari.