Gjatë vizitës së vet në ekspozitën për teknologji inovative digjitale në kuadrin e Forumit Urban Botëror në Abu Dabi Zëvendës Ministrja e Zhvillimit Regjional dhe Urbanizimit Denica Nikollova deklaroi se Bullgaria mund të përdorë përvojën e Emirateve të Bashkuara Arabe në fushën e teknologjive informative dhe digjitalizimit në ndërtimin e të ashtuquajturave “qytete të mençura”. Sipas Nikollovës urbanistët bullgarë mund të aplikojnë praktika të mira nga Emiratet e Bashkuara Arabe në projekte të lidhura me ndërtimin dhe modernizimin e infrastrukturës dhe gërshetimin e natyrshëm të elementeve urbane me natyrën. Sidomos i vlershëm për Bullgarinë, sipas fjalëve të saj, do të jetë përvoja në fushën e sigurimit të aksesit në mjedisin urban.