Në një mbledhje të qeverisë greke dhe të asaj bullgare në Aleksandrupolis u nënshkruan tri marrëveshje – një për transportin, një për investimet dhe një marrëveshje turistike. Lehtësohet trafiku transkufitar hekurudhor si një hap për integrimin e tërësishëm në Rrjetin Transevropian të Transportit (TEN-T). Vendet do të punojnë për zhvillimin e aktiviteteve të përbashkëta turistike. U nënshkrua dhe një Memorandum për bashkëpunim në fushën e investimeve dhe për ndihmë të ndërsjellë në aplikimin e përbashkët për projekte të përbashkëta evropiane. Kryeministri Bojko Borisov falënderoi për bashkëpunimin kundër emigracionit ilegal. Ai u bëri thirrje ushtarakëve për të menduar për një air policing të përbashkët dhe vuri në dukje se Bullgaria është e gatshme të jetë në dobi të Greqisë vëllazërore në zgjidhjen e kundërvënieve me Turqinë.