Në një bisedë telefonike Kryeministri bullgar Bojko Borisov dhe Presidenti i Francës Emmanuel Macron shqyrtuan informacionin aktual për përhapjen e koronavirusit dhe masat që kanë treguar efikasitetin e tij në kufizimin e përhapjes së sëmundjes.

Borisov ka informuar për veprimet e qeverisë dhe të industrisë për riorganizimin e ekonomisë në kushtet e pandemisë duke e vënë theksin mbi faktin se që nga muaji mars industria kombëtare e tekstilit prodhon maska mbrojtëse për personelin mjekësor dhe për nëpunës të tjerë, të cilët janë në vijën e parë të luftimit të virusit.

Në bisedë Kryeministri Borisov shprehu shpresë se pasi Bullgaria tashmë ka depozituar zyrtarisht në Bankën Qendrore Evropiane dokumentet për aderim në mekanizmin ERM II Bullgaria do të vazhdojë të shpresojë tek përkrahja e Presidentit Macron për këtë kauzë.