Mjeku i dytë i vdekur nga koronavirusi në Bullgari është grua, e cila ka punuar në Urgjencë dhe ishte ndër të parët që u infektuan me Covid-19 tek ne. Këtë e tha udhëheqësi i Shtabit Operativ Kombëtar Vencisllav Mutafçijski. Pas dy testeve negative mjekja u kthye për të vazhduar mjekimin nën karantinë në shtëpi. Më 2 maj gjendja e saj shëndetësore u keqësua dhe ajo u pranua në repartin e urgjencës të Spitalit Aleksandrovska në Sofje. Megjithë përpjekjet e mjekëve për të shpëtuar jetën pacientja vdiq.

Ky rast sjell shqetësim sepse para keqësimit të gjendjes shëndetësore pacientja kishte dy teste negative. Kjo e vë nën pikëpyetje imunitetin e fituar pasi njeriu kalon sëmundjen. Paqartësitë vazhdojnë të jenë më shumë se sa ajo që tashmë dihet për virusin, theksoi profesor Mutafçijski.