Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nga fushat e luleshtrydheve të Lludogories e gjer tek tregjet evropiane

Mundës nga skuadra kombëtare e Bullgarisë, shumë medalje të fituara në garat evropiane dhe bullgare – për këtë është i njohur Mehmed Feraim. Sot, burri 27 vjeçar korr suksese edhe në fushat e luleshtrydheve në fshatin e tij të lindjes Peçenica në Lludogorie.

Deri tani familja ime merrej mе blegtori, por ëndrra e madhe e babit tim ishte për të rritur luleshtrydhe biologjike. Dhe meqenëse tashmë një vit banoj në fshat, vendosëm për ta realizuar. Konsultohemi me një specialist të bio-bujqësisë, që të kemi prodhim cilësor dhe sivjet do të kemi rendimentin tonë të parë” – thotë fermeri i ri.

Familja e Mehmedit rrit 30 dynymë luleshtrydhe biologjike. Në këtë prodhim nuk përdoren plehra dhe preparate artificiale dhe nuk ka pesticide, na shpjegon ai procesin e gjatë dhe të vështirë të bio-bujqësisë. Prodhimi është shumë i shtrenjtë, por kënaqësinë e vet Mehmedi e përshkruan kështu: “Besoni, shija e luleshtrydheve ekologjikisht të pastra është krejt e ndryshme, e vërtetë! Kurrë nuk kam ngrënë luleshtrydhe kaq të shijshme!”

Një prej sfidave para prodhuesit të produkteve biologjike është mungesa e krahut të punës. Nëpërmjet rrjeteve sociale ai ka arritur të gjejë njerëz, të cilët të punojnë në fushat e luleshtrydheve.


“Dje patëm 30 punonjës, sot – 50. Moti me shi na pengon. Siç e dini luleshtrydhja është një frutë që prishet shumë shpejt. Dhe moti i lagët nuk i ndikon mirë. Sot mblodhëm 2 tonë, por duhej të mblidhnim 5 tonë. Shpresoj se deri në 20 qershor ta përfundojmë me vjeljen e luleshtrydheve.”

Sa i përket realizimit të prodhimit ish-kampioni i mundjes dhe fermer i tanishëm është i qetë:

“Ka një interes të madh ndaj luleshtrydheve tona biologjike. E dorëzojmë prodhimin tonë në Veliko Tërnovo, ku ka frigoriferë të mëdhenj dhe nga atjeproduktet ekologjikisht të pastra përhapen në tregjet evropiane.Vazhdimisht bëhen analiza, të cilat tregojnë se luleshtrydhet e fushave të fshatit Peçenica janë me cilësit të lartë dhe janë rritur me dashuri të madhe ndaj natyrës.”


Bujqësia sot është përgjegjësia jonë për të ardhmen e bletëve, tokës, ujërave, ajo është e ardhmja e fëmijëve tanë!– kjo është motoja e Mehmed Feraimit në profesionin e tij të ri.

Përgatiti në shqip: Vesella Mançeva   

Foto: arkiv personal Mehmed Feraim



Последвайте ни и в Google News Showcase, за да научите най-важното от деня!

Më shumë nga rubrika

Duhen 35 miliardë leva për rehabilitimin e plotë të rrjetit rrugor

Rehabilitimi i plotë i rrjetit rrugor, duke përfshirë të gjitha seksionet e komprometuara, do të kushtonte rreth 35 miliardë leva (rreth 17.5 mlrd euro), tha për bTV ministrii zhvillimit rajonal Ivan Ivanov. Ai shtoi se nuk është e qartë se ku..

botuar më 25-04-14 9.03.PD

Bullgaria është e para për sa i përket rritjes së çmimit të banesave në BE

Çmimet e banesave në BE janë rritur me 4,9% në tremujorin e katërt të 2024, krahasuar me të njëjtën periudhë të vitit 2023, sipas të dhënave të agjencisë evropiane të statistikave Eurostat. Bullgaria ka kaluar të gjitha vendet e BE-së në të..

botuar më 25-04-12 1.05.MD

Shuma mesatare e të ardhurave të sigurimeve shoqërore në Bullgari është 1738,01 leva (888.63 euro)

Shuma mesatare e të ardhurave të sigurimeve shoqërore për vendin për shkurt 2025 është 1738,01 leva. (888.63 euro), njoftoi Instituti Kombëtar i Sigurimeve Shoqërore. Krahasuar me një muaj më parë, ka një rritje prej 4,73 leva. (2.42 euro)...

botuar më 25-04-11 10.51.PD