Tregtarët, importuesit dhe prodhuesit e frutave dhe primeve nga Bullgaria Jugperëndimore i dërguan një letër të hapur Kryeministri Bojko Borisov, në të cilën insistojnë për takim urgjent me të.

Arsyeja për këtë kërkesë është urdhëresa e lëshuar nga Agjencia Bullgare për Sigurinë e Ushqimeve, me të cilën ata detyrohen të analizojnë për pesticide të gjitha mallrat e importuara nga Greqia dhe nga vendet e tjera të BE-së.

Sipas tregtarëve analiza mund të kërkojë disa ditë dhe gjatë kësaj kohe produktet mund të kalben dhe të bëhen të papërshtatshme për shitje. Përveç kësaj marrja e mostrës së secilës partie do të kushtojë 215 euro dhe kjo do të ndikojë çmimin e mallit për tregun e brendshëm. Vetëm për dy muajt e fundit inspektorët e Agjencisë kanë bllokuar mbi 200 tonë mallra me sasi tepër të madhe të pesticideve.