Festa tradicionale “July Morning” për pritjen e lindjes së diellit të parë të muajit korrik, e cila zakonisht organizohet në vendin Kamen Brjag, sivjet nuk do të zhvillohet aty, bënë të ditur nga Bashkia Kavarna.

Autoritetet vendore u bënë thirrje të gjithë njerëzve, të cilët dëshirojnë të kalojnë natën në bregdet dhe të presin lindjen e diellit, të respektojnë të gjitha masat kundër epidemisë, të mos ndotin bregun dhe të kenë parasysh se shkëmbinjtë e bregut janë shumë të lartë dhe jashtëzakonisht të rrezikshëm.

Pavarësisht se Ministri i shëndetësisë zgjati afatin e gjendjes së jashtëzakonshme epidemike deri më 15 korrik, në bashkinë fqinje Shablla “July Morning” do të organizohet. Për vitin e pestë me radhë njerëzit do të mblidhen në kamping “Dobruxha”. Përveç këngës “July Morning” të "Uriah Heep", publiku do të dëgjojë interpretimet e grupeve “Fara Band” dhe "DO SHO Band".