Mbi 750 janë sinjalet e marra për bulevardë, nënkalime, stacione të metrosë dhe automjete të përmbytura gjatë stuhisë së shiut natën e kaluar. Disa lagje mbetën pa korrent. Ky është bilanci i sotëm, pasi gjatë natës mbi kryeqytet kanë rënë 60 litra mbi metër katror. Ishin përmbytur rrugë dhe bulevarde, shumë automjete mbetën nën ujë. Ka njerëz të evakuuar nga katet e nëndheshme të godinave.

Në lagjet jugore vazhdon puna për tharjen me pompa të bodrumeve dhe nënkalimeve. Disa nga spitalet e mëdha janë prekur seriozisht. Përkohësisht nga shtretërit e tyre dolën lumenjtë Perllovska, Sllatinska dhe Vlladajska. Pas përfundimit të reshjeve tani situata është normale.

Të gjitha ekipet e zjarrfikësve punojnë në terren. Po pastrohen kanalet e drenazhit, të cilat janë plot me baltë, gjethe dhe degë të sjella nga ujërat e lumenjve. Ekipet e mbrojtjes së popullsisë punojnë shpejtë sepse priten shira të dendura dhe mbasdite.