Me zhurmën e motoçikletave po e hapin stinën verore në vendpushimin e malit të Rodopeve. Ditën e shtunë banuesit dhe miqtë e qytetit Çepellare do të shijojnë shoun e parë të këtij lloji me motorë të markës legjendare “Harley-Davidson”. Në mëngjes motoçiklistët e eskortuar nga makinat e policisë, do të bëjnë një parakalim të shkurtër nëpër Çepellare, pas së cilës do të renditen në sheshin në qendër të qytetit, ku do t’i presë koncerti festiv i fëmijëve nga Qendra për Mbështetje dhe Zhvillim Personal, Çepellare, informojnë nga bashkia. Pas orës 12:00 do të fillojë shfaqja thelbësore e motoçikletave, ku vizitorët do të mund të shikojnë makinat-legjendë, të bëjnë fotografi me to dhe të dëfrejnë me konkurset në kategoritë e ndryshme, si për shembull: motori më i bukur, motori i cili bën zhurmë më të madhe, zonja motoriste më e bukur e të tjera. Iniciativa është e quajtur “Vera 2020-rinisje në mal! Shëndet, sport, emocione” dhe ka për qëllim të tregojë bashkinë Çepellare si një destinacion të përshtatshëm për lloje të ndryshme të turizmit veror.
Shën Valentini është festa më e shumëpritur për të dashuruarit, ndërsa ne, bullgarët, kemi një avantazh të veçantë - mund ta kombinojmë me Trifon Zarezanin, festën e verës. Dhe aty ku ka verë, ka dashuri. Kjo simbiozë e mrekullueshme ndihet veçanërisht..
Ribnovo, fshati magnetik i Rodopеvе, i cili deri një dekadë më parë ishte në botën e tij të mbyllur larg globalizimit, tani mirëpret ngrohtësisht turistët. Banorët e tij janë bullgarë muhamedanë dhe dallohen për mënyrën e tyre të ruajtur të jetesës,..
Më 31 janar të vitit 1905, 15 studentë entuziastë u ngjitën për herë të parë gjatë dimrit në majën më të lartë të malit Vitosha, rrëzë së cilës ndodhet Sofja - Çerni Vrëh /2290 m/. Të rinjtë u mblodhën më 30 janar 1905 në mesditë në zonën “Koru..