Në fund të javës shqiponjat e vogla prej disa foleve në vend do të pajisen me transmetues satelitor, njofton Shoqata Bullgare për Mbrojtjen e Shpendëve. Transmetuesit  do të vendosen mbi kurrizin e shpendëve dhe në asnjë mënyrë nuk do të shkelin lëvizjet e tyre normale si dhe veprimtaritë e përditshme. Në vazhdim të dy stinëve të shumimit do të markohen 10 shqiponja të vogla. Shpendët e markuar do të jenë prej foleve jashtë zonave të mbrojtura të “Naturës 2000”në Bullgari. Kurse që të mund të identifikohen më lehtë në terren, do t’u  vihen unaza me ngjyra, të cilat të japin një informacion shtesë në raste ndërprerjeje të lidhjes me transmetuesin. Monitorimi satelitor do të shërbejë dhe për identifikimin e kërcënimeve si dhe të shkaqeve për vdekje tek shpendët gjatë periudhës së migracionit.