Mes 13 këngëve në finalen e evenimentit të 51 të konkursit të radios për një këngë pop dhe rok të re bullgare “Pranvera 2020” u dallua „Paradise with you“, e cila sivjet fitoi çmimin për debutues. Autor i saj dhe interpretues është Aleksandër Gjeorgjiev A.L.E.K.S.
“Ndihem shumë i lumturuar se çdo ditë mund të bëjë këtë të cilën e pëlqej për ta bërë - të shkruaj dhe të interpretoj muzikë-thotë ai. Kuptova për këtë konkurs rreth një nga pjesëmarrjet e mia në klasifikimin e Radios Kombëtare Bullgare “BG Top 20”. Dhe kështu shkrova këngën “Paradise with you” - posaçërisht për konkursin “Pranvera 2020”. E shkrova shumë shpejt meqenëse pata një frymëzim-një stimul qe pjesëmarrja në këtë konkurs. Mendoj se është me një rëndësi të madhe për një artist të jetë maksimalisht individual në çdo një drejtim. Prandaj kënga është krejtësisht e imja prej autori. Kuptohet, kur kam pjesëmarrje “aty për aty” përpara publikut në skenë jam me miqtë dhe kolegët e mi. Sa i përket dekoratës, të cilën e fitova në edicionin e 51 të konkursit “Pranvera 2020”, qesh tepër i befasuar. Ky është një nder mjaft i madh për mua, duke pasur parasysh se çfarë muzikantësh kanë fituar dekorata gjatë viteve”.
Aleksandër Gjergjiev prej 8 vjetëve jeton me familjen e vet në Mançestër - Angli. Ai merret vetëm me muzikë, kurse prej 2 vjetëve mëson në Institutin Muzikor. Deri në këtë moment kompozicionet të cilat i krijon janë vetëm në gjuhën angleze, por Aleks ka një dëshirë të madhe të afirmohet dhe në skenën atdhetare. Prandaj tani, pas pjesëmarrjes së vet në Konkursin “Pranvera 2020” dhe në klasifikimin BG Top 20, ai i kushton një vëmendje të madhe gjuhës bullgare. Por, thotë se, ka akoma se çfarë të mësojë, që të mund t’i lejojë vetes të shkruajë tekste në gjuhën e nënës.
Aleks ka pjesëmarrje skenike përpara një tipi të ndryshëm të publikut, por asnjëherë nuk i ndan njerëzit. Meqenëse është shumë kritik ndaj vetes, thotë se është me rëndësi që gjithmonë të prezantohet në nivelin e duhur pavarësisht nëse është në klub ose në ndonjë skenë të madhe të ndonjë festivali. Si një krijues i ri për të me një rëndësi të madhe është të mund të arrijë deri tek njerëzit me idetë i tij krijuese, me ndjenjat dhe vështrimin drejt jetës.
Orkestra e Muzikës Popullore e Radios Kombëtare Bullgare (BNR) me dirigjent Dimitër Hristov mbyll sezonin sonte /20 qershor/ me një koncert në të cilin do të tingëllojnë vetëm titujt premierë. Programi përfshin 17 pjesë të reja dhe aranzhime..
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në..