Agjencia ndërkombëtare e vlerësimit “Fitch” ripohoi vlerësimin afatgjatë të kreditit të vendit tonë në valutë të huaj dhe në valutë vendase ‘BBB’me perspektivë stabile, njoftoi zyra e shtypit e Ministrisë së Financave. Vlerësimi është përkrahur nga bilancet e qëndrueshme të jashtme dhe fiskale, si dhe nga korniza e mirë e politikës e përkrahur nga anëtarësia në Bashkimin Evropian dhe nga funksionimi i bordit valutor në vazhdim të një periudhe të gjatë kohore.

Faktorët, të cilët e kufizojnë vlerësimin, janë si nivelet më të ulëta të të ardhurave në krahasim me shtete të tjera me vlerësimin e njëjtë, si dhe faktorët e pafavorshëm demografikë, të cilët mund të kufizojnë rritjen dhe të ushtrojnë presion mbi financat shtetërore në plan afatgjatë.

Sipas “Fitch” aderimi i Bullgarisë në ERM II dhe në Bashkimin Bankar gjatë korrikut të 2020-ës është një arritje e rëndësishme. Bullgaria mund të aplikojë euron jo më herët se janari i 2024-ës, prognozon agjencia.