Më 1 tetor, kur komisioni për liritë civile, drejtësinë dhe punët e brendshme në Parlamentin Evropian do të votojë vendim që Komisioni Evropian të vazhdojë të monitorojë reformën gjyqësore dhe luftimin e korrupsionit në Bullgari në kuadrin e Mekanizimit për Bashkëpunim dhe Kontroll, në Sofje do të zhvillohet protesta e 85 antiqeveritare.

Të mërkurën në kryeqytet gjithashtu u zhvillua një aksion antiqeveritar me moton: “Ne nuk kemi frikë”, transmetoi BNR.

Theksi në aktivitet ishte raporti i ri për sundimin e ligjit, si dhe fakti se për vendin tonë mbetet monitorimi në kuadrin e Mekanizmit për Bashkëpunim dhe Kontroll. Një prej liderëve të protestës Nikollaj Haxhigenov tha se në dokument ka diçka fenomenale, që nuk ka ndodhur që nga krijimi i BE-së – atje është shënuar protesta në Bullgari. Kështu çdonjëri prej nesh si pjesë e protestës figuron në këtë raport. Më në fund do të kemi zgjedhje të ndershme, do të kenë mundësi edhe bullgarët jashtë shtetit të votojnë, tha Haxhigenov.