“Gjithnjë e më e sigurt është, se Bullgaria do të bllokojë Maqedoninë e Veriut dhe ajo nuk do të fillojë negociatat me BE”, deklaroi para mediave vendase Kryeministri  maqedonas Zoran Zaev, duke paralajmëruar, se vendimi mund të shkaktojë ngjarje të padëshirueshme në të dyja vendet. Ai tha gjithashtu, se vendi i tij kurrë nuk do të vendoste veto ndaj popullit bullgar.

Nga ana e saj Ministrja e Jashtme Bullgare Ekaterina Zaharieva komentoi për BTV, se Bullgaria i thotë “jo” fillimit të negociatave me BE, por jo anëtarësimit të Maqedonisë se Veriut në BE. “Askush nuk kundërshton të drejtën e tyre të vetëdeklarimit  dhe ta quajnë gjuhën e tyre ashtu siç dëshirojnë, por ne nuk jemi dakord që kjo e drejtë të bazohet në urrejtjen, vjedhjen e  historisë dhe mohimin e Bullgarisë”, komentoi ajo. “Siç kanë filluar, ata do të fillojnë të mohojnë dhe ekzistencën e kombit bullgar”, tha në përfundim Ministrja Zaharieva.