Ka një ulje të rezervimeve, por shpresat janë që në momentin e fundit do të ketë rritje,  u bë e qartë pas takimit të Ministrit të Turizmit Marijana Nikollova me përfaqësues të degës në Velingrad. Punohet në nivelin e lartë diplomatik që të mos mbyllen kufijtë  midis vendeve ballkanike, që janë tregjet kryesore për stinën e dimrit,  transmetoi BTA.

Ruajta e standardeve të larta të higjienës dhe sigurisë është kryesorja për realizimin e stinës dimërore 2020/2021. Bullgaria duhet të ruajë vulën e gjelbër, të lëshuar nga Këshilli Botëror i Udhëtimeve dhe Turizmit. Ajo garanton, se ajo është një destinacion i sigurt dhe respekton me rreptësi masat kundër epidemisë, ka nënvizuar Nikollova.