Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Sekretet e kodrës "Kaleto" pranë fshatit Debnevo rrethi i qytetit Trojan

Pamje panoramike te kalaja afër fshatit Debnevo, pas përfundimit të hulumtimit të këtij viti.
Foto: troyan.bg

Kalaja nga antikiteti i vonë pranë fshatit piktoresk Debnevo, në rajonin e qytetit Trojan, po studiohet prej viteve. Ndaj momentit arkeologët kanë zbuluar muret e fortesës, si dhe objekte të prodhimit të ruajtura mirë.  

Gjetjet në territorin e kalasë i përkasin periudhës së antikitetit të vonë  dhe Mbretërisë së Dytë Bullgare/ shekulli i 12-14/. Sistemi i fortifikimit të ish kalasë është i përbërë prej dy mureve paralele-koncentrike, të pajisur me kulla drejtkëndëshe, dy porta për karroca dhe një për kalimtarët në këmbë. Te pjesa verilindore të kalasë ekipi i krye asistentit doktori Stiljan Ivanov zbulon themelet e 17 godinave të veçanta të banimit dhe ekonomike, si dhe të ndërtesave të garnizoneve ushtarak.

Stiljan Ivanov përpara murrit rrethues lindor të kalasë.

Në kodrën “Kaleto” janë zbuluar po kështu një nekropol i krishterë me 145 varre nga periudha e mbretërve Ivan Aleksandër/vitet 1331-1371/ dhe Ivan Shishman /vitet 1371-1395/, si dhe varre nga shekujt 16-17.

Pamja e një pjese nga strukturat e zbuluara arkeologjike.

Sëpata prej guri kalkolitik / mijëvjeçari V para Krishtit /, një vatër e rrumbullakët e suvatuar me argjilë nga epoka e hekurit të vonë / IV - III para Krishtit / si dhe pjesë të enëve dhe rruazave të boshtit prej balte janë ndër gjetjet më të fundit këtë verë .

Pjesë nga murri i një dhome nga antikiteti i vonë në një nga sondazhet e studiuara.

Themelet e ndërtesave antike të vonë të kalasë shtrihen drejtpërdrejt mbi shtresën e epokës së hekurit të vonë. Muret e tyre janë me një trashësi 0,70 -0,80 metra, kurse qeramika dhe monedhat prej bakri datojnë nga fundi i shekujve të 4-5. Ekipi i krye-asistentit, doktor Stiljan Ivanov gjen gjurmë nga një banesë të lashtë bullgare nga periudha e shekujve 9-10 , si dhe të artefakteve nga mesjeta e vonë.

Një dekorim i vjetër bullgar nga periudha e Mbretërisë së Parë Bullgare (vitet 681 – 1018).

Aktualisht gjetjet po spastrohen prej një restauruesi, pas së cilës  do të transferohen në Fondin “Arkeologji” pranë Muzeut të Zanateve në qytetin Trojan, që të mund të shikohen nga publiku i gjerë, njoftoi Agjencia Bullgare e Lajmeve.

Përpiloi: Veneta Nikollova

Përgatiti në shqip: Nataniela Vasileva

Foto: troyan.bg



Последвайте ни и в Google News Showcase, за да научите най-важното от деня!

Më shumë nga rubrika

Një kullë trekëndore prej 1800 vitesh u zbulua pranë Sofjes

Fortesa Urviç përsëri zbulon sekretet e saj – këtë herë nga koha kur Sofja ka qenë Serdika romake. Një kullë trekëndore prej guri, e datuar nga fundi i shekullit të II, u zbulua nga arkeologët e rinj Dr. Filip Petrunov dhe Violina Kiriakova në ditët..

botuar më 25-07-26 8.00.PD
Monumenti në Petrova Niva në malin Stranxha për nder të heronjve të Kryengritjes së Ilindenit

Për vetëmohimin dhe shpengimin në Kryengritjen e Ilindenit

Ringjallja e shtetit bullgar pas pesë shekujsh sundimi osman është lidhur me Kryengritjen e Prillit të vitit 1876 dhe Organizatën e Brendshme Revolucionare të themeluar më parë nga Vasill Levski . Pas Traktatit të Berlinit të vitit 1878,..

botuar më 25-07-20 9.05.PD

Arkeologët zbulojnë sekretet e Gjirit Taukliman

Përfunduan kërkimet arkeologjike nënujore në Gjirin Taukliman (i njohur edhe si Gjiri i Shpendëve), i cili ndodhet rreth 6 km në verilindje të Kepit Kaliakra. Në rrethinat e tij u lokalizuan dhjetëra objekte arkeologjike me vlerë të madhe historike:..

botuar më 25-07-14 11.18.PD